ТАҚВИМИ АМИТ «ХОВАР»: Имрӯз 1 ноябр, чоршанбе, 305-умин рӯзи соли 2017 аст. То соли нав 60 рӯзи дигар боқӣ мондааст
![](https://khovar.tj/wp-content/uploads/2017/09/SHukuh22-e1504669211289.jpg)
Тақвими моро дар ин гӯша
шореҳ Шукӯҳи ДАЛЕР варақ мезанад:
1 ноябри соли 2012 Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар маросими ба истифода додани Мактаб-интернати ҷумҳуриявии кӯдакони ношунаво дар ноҳияи Рӯдакӣ иштирок намуда буданд.
***
10 сол қабл, 1 ноябри соли 2007 дар Интернет сомонаи Сафорати Ҷумҳурии Тоҷикистон дар Ҷумҳурии Мардумии Чин www.tajikembassychina.com фаъол карда шуд.
***
Дар ин рӯзи соли 2011 меҳмонхонаи панҷситорадори «Серена»-и Душанбе мавриди баҳрабардорӣ қарор гирифтааст.
***
1 ноябри соли 1944 Агентии иттилоотии Япония «Киодо Тсусин» таъсис дода шудааст.
1 НОЯБР ТАҶЛИЛ КАРДА МЕШАВАД:
Дар Ҷумҳурии Того – Рӯзи ёдгорӣ.
***
Дар Либерия — Рӯзи миннатдорӣ.
***
Дар Ветнам – Рӯзи инқилоб.
РӮЙДОДҲО:
1 ноябри соли 1856 миёни Англия ва Эрон ҷанг оғоз гардида, он 4 апрели соли 1857 ба анҷом расида буд.
***
122 сол муқаддам, 1 ноябри 1895 дар Петербург «Иттифоқи мубориза барои озодкунии синфи коргар» таъсис дода шуда буд.
***
1 ноябри соли 1897 дар шаҳри Турини Италия клуби футболи «Ювентус» таъсис ёфта буд.
***
Дар ин рӯзи соли 1938 Ҳукумати Мексика ба кишвараш аз Германия ворид шудани яҳудиёни гурезаро манъ кардааст.
***
1 ноябри соли 1993 Туркманистон асъори рублро бекор карда, асъори худ- манатро ҷорӣ намуд.
ИНЧУНИН ДАР ИН РӮЗ…
Соли 1929 аввалин шумораи рӯзномаи «Советский Таджикистан» (ҳоло «Народная газета») нашр шудааст.
***
Соли 2010 дар шаҳри Душанбе аввалин намояндагии дипломатии кишварҳои арабӣ – Сафорати Арабистони Саудӣ ифтитоҳ гардид.