ТАҚВИМИ АМИТ «ХОВАР»: Имрӯз 20 ноябр, душанбе, 324-умин рӯзи соли 2017 аст. То соли нав 41 рӯзи дигар боқӣ мондааст

Тақвими моро дар ин гӯша

шореҳ Шукӯҳи ДАЛЕР варақ мезанад:

20 ноябри соли 2009 аз ҷониби Президенти Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани илова ба Қонуни Ҷумҳурии Тоҷикистон «Дар бораи рӯзҳои ид» ба имзо расида буд.

***

20 ноябри соли 1939 Донишгоҳи давлатии тиббии Тоҷикистон ба номи Абуалӣ ибни Сино таъсис ёфтааст.

***

20 ноябри соли 2016 дар шаҳри Душанбе маросими пӯшидашавии Рӯзҳои фарҳанги Қирғизистон дар Тоҷикистон баргузор гардид.

20 НОЯБР ТАҶЛИЛ КАРДА МЕШАВАД:

Рӯзи байналмилалии даст кашидан аз тамоку.

***

Рӯзи умумиҷаҳонии кӯдакон.

***

Дар Мексика – Рӯзи инқилоб.

РӮЙДОДҲО:

20 ноябри соли 2009 шӯрои сарони ҳукуматҳои аъзои Иттиҳоди Давлатҳои Мустақил Консепсия оид ба ҳамкорӣ дар соҳаи энергетикаро кабул намуд.

***

98 сол муқаддам, 20 ноябри соли 1919 дар Берлин Интернатсионали Қоммунистии ҷавонон таъсис дода шуд.

***

Дар ин рӯзи соли 1959 СММ Декларатсияи ҳуқуқи кӯдакро қабул намуда буд.

***

20 ноябри соли 1968 дар натиҷаи силсилатаркиш дар кони Манингтон (ИМА) 99 нафар коргарон ба ҳалокат расида буданд.

ИНЧУНИН ДАР ИН РӮЗ…

Соли 2008 аввалин шумораи нашрияи «Мигрант_tj» нашр гардид.