ТАҚВИМИ АМИТ «ХОВАР»: Имрӯз 5 ноябр, якшанбе, 309-умин рӯзи соли 2017 аст. То соли нав 56 рӯзи дигар боқӣ мондааст

Тақвими моро дар ин гӯша  

шореҳ Шукӯҳи ДАЛЕР варақ мезанад:

5 ноябри соли 2008 бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон маросими ботантанаи ба истифода додани НБО «Сангтӯда -1» баргузор гардид.

***

9 сол муқаддам, 5 ноябри соли 2008 дар Ҷумҳурии Тоҷикистон пахши шабакаи нави телевизионии «Ҷаҳоннамо» ва шабакаи радиои «Фарҳанг» оғоз гардида буд.

***

Дар ин рӯзи соли 2010 дар Кохи Борбади пойтахт бо иштироки Президенти Ҷумҳурии Тоҷикистон Эмомалӣ Раҳмон қисмати ниҳоии Фестивали ҷумҳуриявии «Чакомаи гесӯ» баргузор гардид.

***

5 ноябри соли 2016 дар шаҳри Ҳисор Комбинати металлургии тоҷик ба истифода дода шуд.

5 НОЯБР ТАҶЛИЛ КАРДА МЕШАВАД:

 Рӯзи умумиҷаҳонии паҳн кардани иттилоот оид ба мушкилоти сунами.

***

Дар Россия — Рӯзи разведкачии ҳарбӣ.

РӮЙДОДҲО:

5 ноябри соли 1964  дар шаҳри Душанбе муҷассамаи асосгузори адабиёти классикии тоҷику форс Абӯабдуллоҳ Рӯдакӣ гузошта шуд.

***

5 ноябри соли 2016 дар бинои нави Донишгоҳи славянии Россияву Тоҷикистон дар шаҳри Душанбе форуми «G5 Startup Forum» баргузор гардид.

***

Зиёда аз як аср қабл, 5 ноябри соли 1914  Франсия ва Британияи Кабир бо Туркия ҷанг эълон карда буданд.

***

5 ноябри соли 1935 бозии рӯимизии «Монополия» сохта шудааст.

ИНЧУНИН ДАР ИН РӮЗ…

Дар ин рӯз, соли 1927  дар Англия аввалин маротиба чароғаки роҳи худкор ба кор дароварда шуд.