ТАҚВИМИ АМИТ «ХОВАР»: Имрӯз 7 ноябр, сешанбе, 311-умин рӯзи соли 2017 аст. То соли нав 54 рӯзи дигар боқӣ мондааст

Тақвими моро дар ин гӯша  

шореҳ Шукӯҳи ДАЛЕР варақ мезанад:

7 ноябри соли 2014  дар Ҷумҳурии Мардумии Чин пас аз анҷоми мулоқот дар ҳузури сарони ду давлат Эмомалӣ Раҳмон ва Си Ҷинпин Созишномаи қарзи имтиёзнок миёни Вазорати молияи Ҷумҳурии Тоҷикистон ва Бонки содироту воридоти (Эксимбонки) Ҷумҳурии Мардумии Чин барои сохтмони навбати дуюми Маркази барқу гармидиҳии нави шаҳри Душанбе ва ба 400 мегаватт расонидани иқтидори умумии он ба имзо расид.

***

7 ноябри соли 2011 навсозии шоҳроҳи мошингарди Душанбе — Турсунзода — сарҳади Ӯзбекистон расман оғоз ёфта буд.

6 НОЯБР ТАҶЛИЛ КАРДА МЕШАВАД:

Рӯзи театри тоҷик.

***

Дар Қирғизистон- Рӯзи иттилоот ва матбуот.

 ***

Дар Россия – Рӯзи инқилоби октябр.

 РӮЙДОДҲО:

7 ноябри соли 1959 студияи телевизионии Душанбе ба фаъолият оғоз намуда буд.

***

Дар ин рӯзи соли 1931 агентии иттилоотии «Хитойи сурх» (ҳоло «Синхуа») таъсис дода шудааст.

***

76 сол муқаддам, 7 ноябри соли 1941 дар Майдони сурх паради қӯшунҳои Иттиҳоди Шӯравӣ баргузор гардида буд.

 ***

7 ноябри соли 1994 Кореяи Ҷанубӣ манъи муносибатҳои тиҷоратиро бо Кореяи Шмолӣ бекор кардааст.

   ИНЧУНИН ДАР ИН РӮЗ…

Соли 1929 аввалин театри касбии тоҷик – ҳоло Театри академии драмавии ба номи Абулқосим Лоҳутӣ ифтитоҳ гардида буд.

***

Соли 1951 дар Киев аввалин маркази телевизионии Украина ба кор даромадааст.