«Тоҷик Эйр» парвозҳоро аз Душанбе ба Сургут барқарор менамояд
ДУШАНБЕ, 07.11.2017/АМИТ «Ховар»/. Шурӯъ аз 3 декабри соли равон ширкати миллии ҳавонавардии Тоҷикистон «Тоҷик Эйр» парвозҳоро дар хатсайри Душанбе – Сургут – Душанбе ба роҳ мемонад. Дар ин хусус ба АМИТ «Ховар» аз ширкати миллии ҳавонавардии Тоҷикистон- «Тоҷик Эйр» иттилоъ доданд.
Парвозҳо дар ду ҳафта як маротиба- рӯзи якшанбе тариқи ҳавопаймои «Боинг 737 – 300» сурат мегиранд. Арзиши чипта 1856 сомониро ташкил медиҳад.
Бояд тазаккур дод, ки ширкати миллии ҳавопаймоии Ҷумҳурии Тоҷикистон «Тоҷик Эйр» соли 1930 таъсис дода шуда, фаъолияташро дар самти интиқоли мусофирон, бору бағоҷ, ҳамчунин хизматрасонии техникӣ ва таъмири техникаи ҳавопаймоҳо ба роҳ мондааст.
«Тоҷик Эйр» парвозҳоро мунтазам ба шаҳрҳои Алмаато, Бишкек, Деҳлӣ, Теҳрон, Москва, Санкт-Петербург, Екатеринбург, Новосибирск, Сургут, ҳамчунин Хуҷанду Хоруғ анҷом медиҳад.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
