«Тоҷикагролизинг» аз Беларус ва Чин ба Тоҷикистон 72 адад трактори универсалӣ ворид кард
ДУШАНБЕ, 07.11.2017. /АМИТ «Ховар»/. Корхонаи воҳиди давлатии ҷумҳуриявии «Тоҷикагролизинг» аз Ҷумҳурии Беларус 40 адад ва аз Ҷумҳурии Мардумии Чин 32 адад тракторҳои универсалиро вориди кишвар намуда, тариқи иҷораи молиявӣ ба хоҷагиҳои деҳқонӣ пешниҳод менамояд.
Тавре дар суҳбат ба хабарнигори АМИТ «Ховар» сардори маркази матбуоти КВДҶ «Тоҷикагролизинг» Ибодулло Оқилпур иброз намуд: «ин тракторҳо дар асоси шартномаи тарафайн бо Ҷумҳурии Беларус ба Тоҷикистон интиқол дода шудаанд. Тракторҳои беларусӣ тамғаҳои МТЗ 82.1, 80Х, 1025, аз Чин тамғаҳои ЮТО 254, 304, 902 ва 1302 тасмачарх ва чархдорро ташкил медиҳанд».
Ба маълумоти Ибодулло Оқилпур, тракторҳои мазкур бисёрсоҳа буда, дар байни боғу токзор ва заминҳои кишт фаъолият намуда, ба шароити иқлими ҷумҳурӣ мусоид мебошанд.
Ёдовар мешавем, ки чанде қабл КДДҶ «Тоҷикагролизинг» аввалин маротиба барои шоликорони ҷумҳурӣ аз Германия 10 адад комбайнҳои тасмачарх ва чархдори шолидарави навъи «KLAAS-Tiger»-ро ворид намуда буд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
