Тоҷикистонро дар Чемпионати ҷаҳон оид ба самбо 9 варзишгар намояндагӣ мекунанд
ДУШАНБЕ, 08.11.2017 /АМИТ «Ховар»/. Аз 10 то 12 ноябр дар шаҳри Сочии Федератсияи Россия Чемпионати ҷаҳон оид ба самбо миёни калонсолон баргузор мешавад, ки дар он 9 варзишгари тоҷик ширкат мекунанд.
Тавре аз Кумитаи миллии олимпии Ҷумҳурии Тоҷикистон ба хабарнигори АМИТ «Ховар» иттилоъ доданд, дар чемпионати имсола қариб 1000 нафар варзишгарон аз 90 кишвар иштирок менамоянд. Аз ҷумла, варзишгарон аз Чин, Бангладеш, Сент-Люсия, Миср, Конго, Кот-д’Ивуар барои медалҳо рақобат мекунанд.
Ёдовар мешавем, ки Ҷумҳурии Тоҷикистонро дар ин мусобиқа варзишгарон Ҷомии Ҳасан (52 кг), Акмалиддин Каримов (57 кг), Нозимҷон Охиров (62 кг), Хушқадам Хусравов (68 кг), Беҳрӯз Хоҷазода (74 кг), Зафар Олимшоев (82 кг), Умед Ҳасанбеков (90 кг), Фирдавс Насимов (-100 кг) ва Набимуҳаммад Хоркашов (+100 кг) намояндагӣ мекунанд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
