100 нафар ҷавонони фаъолу ташаббускор, аз ҷумла хабарнигори АМИТ «Ховар» низ соҳиби ҷоизаи Кумитаи кор бо ҷавонон ва варзиш гардиданд
ДУШАНБЕ, 27.12.2017 /АМИТ «Ховар»/. Дирӯз дар «Кохи Наврӯз»-и шаҳри Душанбе бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар доираи баргузории Фестивал- форуми ҷумҳуриявии ҷавонон, ки аз 26 то 30 декабри соли равон идома меёбад, маросими ҷоизасупорӣ ба беҳтарин ҷавонон ва варзишгарони кишвар дар соли 2017 баргузор гардид.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода иброз дошт, ки соли 2017 ҳамчун Соли ҷавонон барои ҳамаи ҷавонону варзишгарон ва тамоми соҳаҳои кишвар соли пурфайзу бобарор ва соли муваффақиятҳо буд. Дар ин сол ҷавонони тоҷик ба дастовардҳои назаррас ноил гарданд.
Дар маросими ҷоизасупорӣ ба 100 нафар ҷавонони фаъолу ташаббускори қишрҳои гуногуни ҷомеа туҳфаҳои хотиравӣ ва сипоснома тақдим карда шуд, ки дар миёни онҳо чеҳраҳои шинохтаи варзиши кишвар, олимон, ихтироъкорони ҷавон, кормандони ҷавони вазорату идораҳо ва ғолибони олимпиадаҳои ҷаҳонӣ аз рӯи фанҳои дақиқ ширкат доштанд.
Аз ҷумла, хабарнигори АМИТ «Ховар» Меҳрони Қурбон дар соҳаи рӯзноманигорӣ беҳтарин дониста шуда, соҳиби ҷоизаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон гардид.
Бояд гуфт, ки дар маросими ҷоизасупорӣ 10 нафар ҷавонони муваффақ сазовори унвони гирандаи стипендияи Кумита, 12 нафар гирандаи Ҷоизаи давлатии ба номи Исмоили Сомонӣ, 30 нафар дар соҳаи адабиёт, рӯзноманигорӣ, санъат, меъморӣ ва барномасозӣ, озмуни мақолаи беҳтарин дар мавзӯи «Ваҳдат ва ҷавонон», озмуни ҷумҳуриявии «Беҳтарин лоиҳаи инноватсионӣ» ва 51 нафар ҷавонони дигар дар соҳаҳои гуногун сазовори диплом, ифтихорнома ва туҳфаҳои моливу пулии Кумита гардиданд.
Ба иттилои Аҳтам Абдуллозода, соли равон Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо ниҳодҳои ҷомеаи шаҳрвандӣ дар самти тадбиқи сиёсати давлатии кор бо ҷавонон 17 ҳазор барномаҳоро бо иштироки зиёда аз 5 миллион нафар наврасону ҷавонон доир намуд.
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
