Ҷамъияти Ҳилоли Аҳмари Тоҷикистон ба кӯдакони ниёзманди шаҳри Душанбе кӯмак намуд

Декабрь 30, 2017 09:46

ДУШАНБЕ, 30.12.2017. /АМИТ «Ховар»/. Дар арафаи Соли нави мелодии 2018 Ҷамъияти Ҳилоли Аҳмари Тоҷикистон (ҶҲАТ) иқдоми хайриявиро ҷиҳати дастгирии кӯдакони ниёзманд дар 3 мактаб-интернати шаҳри Душанбе амалӣ намуд. Дар ин бора ба АМИТ «Ховар» аз маркази матбуоти ҶҲАТ хабар доданд.

Кӯмаки Ҷамъият аз ҷумла ба муассисаи давлатии таҳсилоти ибтидоии шабонарӯзии махсус барои кӯдакони нобино ва сустбини пойтахт, хонаи кӯдакони №1-и ноҳияи Шоҳмансур ва хонаи кӯдакони синни томактабии №1-ноҳияи Фирдавсӣ расонида шуд.

Гуфта мешавад, ки кӯмакҳои мазкур тибқи дархости роҳбарияти хона-интернатҳои зикршуда роҳандозӣ гардида, аз ҷониби Ҷамъияти Ҳилоли Аҳмар тавассути ихтиёриёни он ба ин ниёзмандон дастрас ва тақсим карда шуданд.

Кӯмакҳои пешниҳодшуда аз маводи хӯрокворӣ, аз қабили орд, гӯшти гов, шакар, биринҷ, равған ва лавозимоти гигиенӣ иборат мебошанд.

Дар маҷмӯъ, кӯмакҳои пешниҳодшуда барои 275 нафар кӯдакони ниёзманд, бепарастор ва маъюб пешбинӣ шудаанд.

Қобили зикр аст, ки ҶҲАТ дар давоми соли ҷорӣ якчанд кӯмакҳоро ба ниёзмандони кишвар интиқол додааст. Махсусан, дар рӯзҳои ҷашни Наврӯз, 20 марти соли 2017, ба 500 нафар оилаҳои ниёзманди 4 ноҳияи шаҳри Душанбе маводи хӯрокворӣ расонида, моҳи апрели соли 2017 бо дастгирии Ҷамъияти Ҳилоли Аҳмари Давлати Кувайт ба зиёда аз 900 оилаҳои аз офати табиӣ зарардидаи ВМКБ –шаҳру ноҳияҳои Хоруғ, Рушон, Шуғнон, Мурғоб, Дарвоз ва Ванҷ кӯмак намуд.

Ҳамзамон, ҶҲАТ бо дастгирии Сафорати Ҷумҳурии Туркия дар шаҳри Душанбе дар соли 2017 ба 1 500 нафар ниёзмандони шаҳри Душанбе ва 31 хона – интернатҳои шаҳру ноҳияҳои дигари мамлакат чунин кӯмакҳои хайриявӣ расонидааст.

Декабрь 30, 2017 09:46

Хабарҳои дигари ин бахш

«ПИРӢ ФАРО РАСИДААСТ, ЧӢ БОЯД КАРД?». Таҳти чунин унвон китоб ба нашр расид
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
«ИЛМ-ФУРӮҒИ МАЪРИФАТ». Дар ноҳияи Рӯдакӣ даври ноҳиявии озмуни ҷумҳуриявӣ баргузор гардид
РОҲСОЗӢ-КОРИ ХАЙР. Сокинони ноҳияи Спитамен маблағи барои ҳаҷ ҷамъовардаашонро дар мумфаршкунии роҳҳо сарф карданд
Имрӯз дар шаҳри Душанбе ҳаво 34 дараҷа гарм мешавад
Имрӯз дар шаҳри Душанбе ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил доир мегардад
Дар ноҳияи Фирдавсӣ ташкилоти ҳизбии «Ободкор» ва «Шири Ватан» таъсис дода шуданд
Дар шаҳри Санкт-Петербург ҷаласаи комиссияи доимии Ассамблеяи парламентӣ оид ба масъалаҳои ҳуқуқӣ баргузор гардид
Агар барқ хомӯш шуд – мо вориди интернет мешавем
Имрӯз дар Тоҷикистон ҳавои камабри бебориш пешгӯӣ мешавад
«ЧИЛ РӮЗИ ҲАЁТИ КӮДАКОН». Дар шаҳру ноҳияҳои Хатлон бахшида ба Рӯзи байналмилалии ҳифзи кӯдакон ҳамоишҳо доир мегарданд
«ТОҶИКИСТОНИ МАН!». Дар шаҳри Ҳисор ҳамоиши ҷоизасупорӣ ба ғолибони ин маҳфил-озмун доир гардид