Ҷавонони деҳаҳои ҳамсарҳади Тоҷикистону Қирғизистон дар маъракаи «16 рӯзи мубориза алайҳи хушунат» ширкат карданд

Декабрь 2, 2017 09:43

ХУҶАНД, 02.12.2017 /АМИТ «Ховар»/. Ҳамасола дар тамоми ҷаҳон аз 25 ноябр то 10 декабр маъракаи «16 рӯзи мубориза алайҳи хушунат» доир мегардад, ки ҳадаф аз он ҷалби таваҷҷуҳи аҳли ҷомеа ба мушкилоти умдаи иҷтимоӣ, бахусус зӯроварии оилавӣ ва бадрафторӣ нисбат ба занону духтарон мебошад.
Вобаста ба ин маъракаи муҳим дар доираи лоиҳаи «Таквияти ҳамкории ҷавонон дар ноҳияҳои наздисарҳадии ҷумҳуриҳои Тоҷикистону Қирғизистон», ки аз ҷониби Ассотсиатсияи зиёиёни илмӣ-техникии Тоҷикистон бо дастгирии Барномаи Рушди Созмони Милали Муттаҳид дар Тоҷикистон  роҳандозӣ мегардад, миёни ҷавонони деҳаҳои ҳамсарҳади ин ду кишвар маҳфили муфид доир гардид.

Тавре ба АМИТ «Ховар» мутахассиси Ассотсиатсияи зиёиёни илмӣ-техникии Тоҷикистон дар Суғд Зебо Қурбонова иттилоъ дод, дар доираи лоиҳаи зерин байни ҷавонони деҳаҳои наздисарҳадии «Сомониён»-и Ҷумҳурии Тоҷикистон ва «Куктош»-и Ҷумҳурии Қирғизистон маҳфили маърифатӣ-иттилоотӣ оид ба «16 рӯзи мубориза алайҳи хушунат» таҳти шиори «Дар канор намон ва бо мо ҳамкорӣ бикун» баргузор гардид.

Барнома бо роҳнамоии намояндаи Барномаи Рушди Созмони Милали Муттаҳид дар Тоҷикистон Дилшода Шарипова доир гардида, зимни он видеоролик оид ба ҷой доштани  ҳолати хушунат намоиш дода шуд. Ҳамчунин аз ҷониби коршинос оид ба масоили гендерӣ Ирода Бобоҷонова ва сартренер аз Ҷумҳурии Қирғизистон Жайлообек Жакшиликов оид ба вазъи ҳуқуқи занон дар ҷаҳон ва таърихи таҷлили ин сана, ки ҳамасола 25 ноябр оғоз шуда, онро ҳамчунин “рӯзи норинҷӣ” низ меноманд, маълумоти муфассал пешниҳод гардид.

Гуфта шуд, ки тибқи маълумоти Ташкилоти байналхалқии тандурустӣ, дар олам ҳар сеюм зан ба хушунат гирифтор буда, ин мушкилот ё ҳолатҳо дар кишварҳои Осиёи Миёна, аз ҷумла, дар Тоҷикистону Қирғизистон низ дида мешаванд. Аз ин лиҳоз, аз ҷониби давлатҳои минтақаи мазкур, аз ҷумла, Тоҷикистону Қирғизистон низ баҳри ҳимояи ҳуқуқи занон ва ҳимояи онҳо аз хушунат санадҳои зарурӣ қабул гардидаанд.

Худи интихоби ранги норинҷӣ чун рамзи маърака маънои умед ва равшаниро дошта, маъракаи 16 рӯзи байналмилалии мубориза бар зидди хушунат нисбат ба занон 10 декабр дар Рӯзи умумиҷаҳонии ҳифзи ҳуқуқи инсон ҷамъбаст мегардад.

Баъди анҷоми маъракаи иттилоотӣ иштирокдорони он ба шаҳри Хуҷанд сафар намуда, ҳамчун нишони эътироз ба хушунат ва зӯроварӣ ва рамзи меҳру муҳаббат нисбат ба бонувону ҷавонони кишварҳои ҳамсоя тавассути алоқаи почтавии идораи шуъбаи алоқаи вилояти Суғд бо шиори «Дунёро норинҷӣ мекунем» ба дӯстону наздиконашон мактуби эҳтиром фиристоданд.

Декабрь 2, 2017 09:43

Хабарҳои дигари ин бахш

ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Имрӯз дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Пагоҳ дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад