Дар 6-умин Саммити байналмилалии сайёҳӣ дурнамои ҳамкории Тоҷикистону Малайзия баррасӣ гардид
ДУШАНБЕ, 08.12.2017. /АМИТ «Ховар»/. Аз 4 то 6 декабри соли равон дар шаҳри Куала Лумпури Малайзия бо ташаббуси Вазорати сайёҳӣ ва фарҳанги Малайзия ва Созмони умумиҷаҳонии сайёҳии Созмони Милали Муттаҳид 6-умин Саммити байналмилалӣ дар мавзӯи «Туризми устувор ва рақобатпазир дар барномаи рӯзмарраи шаҳрӣ» баргузор гардид.
Тавре аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд, дар ҳамоиши мазкур Тоҷикистонро муовини якуми раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода намояндагӣ карда, ҳамчунин дар он 869 намояндаи дигар аз 45 кишвари ҷаҳон иштирок намуданд.
Бино ба иттилои манбаъ, дар ҳошияи ҳамоиш 4 декабри соли равон мулоқоти Ҳабибулло Амирбекзода бо Вазири сайёҳӣ ва фарҳанги Малайзия Дато Сери Муҳаммад Назрӣ Абдул Азиз баргузор гардид. Зимни мулоқот ҷонибҳо оид ба ҳолати кунунӣ ва дурнамои ҳамкории Тоҷикистону Малайзия дар соҳаи сайёҳӣ мубодилаи афкор намуданд. Дар ҷараёни мулоқот ҷонибҳо омодагии хешро ҷиҳати ҳамкорӣ дар доираи Ёддошти тафоҳум байни Ҳукумати Ҷумҳурии Тоҷикистон ва Ҳукумати Малайзия оид ба ҳамкорӣ дар соҳаи туризм (моҳи июни 2014 имзо шуд) иброз намуда, ташкил намудани давраҳои омӯзишӣ барои мутахассисони соҳаи сайёҳии Тоҷикистон дар Малайзияро муҳим арзёбӣ карданд.
Ҳамчунин зимни ҳамоиш Ҳабибулло Амирбекзода бо Котиби генералии Созмони умумиҷаҳонии сайёҳии СММ Толиб Рифоӣ мулоқот намуда, рушди ҳамкорӣ миёни Ҷумҳурии Тоҷикистон ва Созмони умумиҷаҳонии сайёҳии СММ-ро баррасӣ намуданд.
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
