Дар Брюссел ҷаласаи 131-уми Шӯрои ҳамкории гумрукии Созмони Умумиҷаҳонии Гумрук баргузор шуд
ДУШАНБЕ, 18.12.2017 /АМИТ «Ховар»/. 14-15 декабр дар шаҳри Брюссел ҷаласаи 131-уми Шӯрои ҳамкории гумрукии Созмони Умумиҷаҳонии Гумрук баргузор шуд.
Тибқи иттилои Хадамоти гумруки назди Ҳукумати Ҷумҳурии Тоҷикистон, дар ҷаласа Сардори Хадамоти гумруки назди Ҳукумати Ҷумҳурии Тоҷикистон, генерал-лейтенанти адлия Абдуфатоҳи Ғоиб иштирок намуд.
Бояд гуфт, ки Ҷумҳурии Тоҷикистон аз соли 1997 инҷониб узви Созмони Умумиҷаҳонии Гумрук мебошад. Узвият ба ин Созмони бонуфуз имкон медиҳад, ки ҳамкории мутақобилан судманд ҷиҳати баланд бардоштани самаранокии фаъолияти гумрукӣ дар Ҷумҳурии Тоҷикистон ба роҳ монда шавад.
Хадамоти гумрук аз мусоидат ва ҳамкории назарраси Созмони Умумиҷаҳонии Гумрук дар самтҳои такмили қонунгузории гумрукӣ, модернизатсия ва ислоҳоти мақомоти гумрук, ҳамоҳангсозӣ ва ҳамшаклии расмиёти гумрукӣ, таҳкими ҳамкории байналмилалии гумрукӣ, мубодилаи маълумот миёни хадамоти гумруки кишварҳои ҷаҳон, омӯзиши кормандони мақомоти гумрук, инчунин аз хизматрасониҳои машваратию иттилоотии Созмони Умумиҷаҳонии Гумрук оид ба фаъолияти гумрукӣ бархурдор гардидааст, ки он ба баланд гардидани самаранокии фаъолияти хизматӣ мусоидат менамояд.
Дар ҷаласа аз ҷониби Сардори Хадамоти гумруки назди Ҳукумати Ҷумҳурии Тоҷикистон Абдуфатоҳи Ғоиб ва муовини Вазири иқтисод ва молия, Президенти Маъмурияти гумруки Ҷумҳурии Исломии Эрон Фруд Асғарӣ Ёддошти тафоҳум оид ба амалӣ намудани Созишномаи дутарафа дар бораи ёрии байниҳамдигарии идорӣ ҷиҳати иҷрои дурусти қонунгузории гумрукӣ байни Хадамоти гумруки назди Ҳукумати Ҷумҳурии Тоҷикистон ва Маъмурияти гумруки Ҷумҳурии Исломии Эрон ба имзо расонида шуд.
Имрӯз дар Тоҷикистон ҳавои тағйирёбанда пешгӯӣ мешавад
«ТОҶИКИСТОНИ МАН!». Дар шаҳри Ҳисор даври дуюми маҳфил-озмун ҷамъбаст карда шуд
Имрӯз дар баъзе ноҳияҳои Тоҷикистон борон меборад
Дар Донишгоҳи давлатии Хуҷанд аз рӯйи ихтисоси забони чинӣ 352 нафар таҳсил менамоянд
Дар ноҳияи Фирдавсӣ ду ташкилоти ибтидоии Ҳизби Халқии Демократии Тоҷикистон таъсис дода шуд
Вазири корҳои хориҷии Чин Ван И бо сафари расмӣ ба Ҷумҳурии Тоҷикистон меояд
Чӣ тавр метавонем дар Узбекистон бо интернет қарор дошта, чандин маротиба камтар маблағ сарф кунем
Имрӯз дар баъзе ноҳияҳои Тоҷикистон борони кӯтоҳмуддат меборад
«ОИЛА-МАКОНИ МЕҲРУБОНӢ». Дар шаҳри Норак Рӯзи байналмилалии оила таҷлил карда шуд
Дар шаҳри Турсунзода нақшаи даъват пурра иҷро гардид
Имрӯз дар Тоҷикистон ҳавои камабри бебориш пешгӯӣ мешавад
«ҶАВОНОН-ПАЙРАВОНИ ПЕШВОИ МИЛЛАТ!». Таҳти чунин унвон ҳафтаи худидоракунӣ гузаронида мешавад
