Дар шаҳри Қошғари Чин ҷаласаи гурӯҳи корӣ оид ба масъалаҳои гумрукӣ баргузор гардид

Декабрь 29, 2017 11:19

ДУШАНБЕ, 29.12.2017. /АМИТ «Ховар»/. Дар шаҳри Қошғари Ҷумҳурии Мардумии Чин ҷаласаи гурӯҳи корӣ доир ба масъалаҳои гумрукӣ баргузор гардид. Дар ҷаласаи мазкур муовини Сардори Хадамоти гумрук Сӯҳроб Сайдализода бо роҳбари гурӯҳ, муовини сардори Раёсати гумруки Урумчии Ҷумҳурии Мардумии Чин Эркин Умэр мулоқоти корӣ анҷом дод.

Тавре аз маркази матбуоти Хадамоти гумруки назди Ҳукумати Ҷумҳурии Тоҷикистон ба мухбири АМИТ «Ховар» хабар доданд, дар ҷараёни гуфтушунид тамоми пешниҳодҳое, ки аз тарафи гурӯҳи кории Тоҷикистон баён гардид, пурра қабул шуда, Протокол — меморандум байни Хадамоти гумруки назди Ҳукумати Ҷумҳурии Тоҷикистон ва Гумруки шаҳри Урумчии Ҷумҳурии Мардумии Чин дар бораи равнақ додани ҳамкорӣ байни ин мақомот, аз ҷумла, ташкил намудани шароити мусоид барои табодули маълумот, гузаронидани амалиёти якҷоя оид ба мубориза бар зидди қочоқи яроқ, лавозимоти ҳарбӣ, маводи мухаддир, наботот ва ҳайвоноти нодире, ки дар ҳолати нобудшавӣ қарор доранд, ба имзо расонида шуд.

Иштирокдорони ҷаласа дар доираи сафари корӣ аз минтақаи озоди иқтисодии ҳамин шаҳр ва дидбонгоҳи наздисарҳадии «Қаросу»-и Ҷумҳурии Мардумии Чин, ки дар баландии 4 ҳазору 600 метр аз сатҳи баҳр ҷойгир мебошад, дидан намуда, бо тартиби барасмиятдарорӣ, назорати гумрукӣ ва интиқоли молу воситаҳои нақлиёт аз маҳалли барасмиятдарории гумрукӣ то маҳалли содироти он аз сарҳади гумрукӣ шинос шуданд.

Декабрь 29, 2017 11:19

Хабарҳои дигари ин бахш

«МАОРИФ-АСОСИ ТАКМИЛ ВА РУШДИ ИНСОН». Таҳти чунин унвон китоби нав нашр гардид
Имрӯз дар ноҳияҳои алоҳидаи кӯҳию доманакӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
«ТОҶИКИСТОНИ МАН!». Дар шаҳри Ҳисор даври дуюми маҳфил-озмун ҷамъбаст карда шуд
Имрӯз дар баъзе ноҳияҳои Тоҷикистон борон меборад
Дар Донишгоҳи давлатии Хуҷанд аз рӯйи ихтисоси забони чинӣ 352 нафар таҳсил менамоянд
Дар ноҳияи Фирдавсӣ ду ташкилоти ибтидоии Ҳизби Халқии Демократии Тоҷикистон таъсис дода шуд
Вазири корҳои хориҷии Чин Ван И бо сафари расмӣ ба Ҷумҳурии Тоҷикистон меояд
Чӣ тавр метавонем дар Узбекистон бо интернет қарор дошта, чандин маротиба камтар маблағ сарф кунем
Имрӯз дар баъзе ноҳияҳои Тоҷикистон борони кӯтоҳмуддат меборад
«ОИЛА-МАКОНИ МЕҲРУБОНӢ». Дар шаҳри Норак Рӯзи байналмилалии оила таҷлил карда шуд
Дар шаҳри Турсунзода нақшаи даъват пурра иҷро гардид