Инноватсия ва шарикӣ барои ноил гаштан ба Ҳадафҳои Рушди Устувор
ДУШАНБЕ, 8.12.2017. /АМИТ «Ховар»/. Фаъолияти инноватсионии ҳамаи соҳаҳои иҷтимоию иқтисодии кишвар ба самти рушд ва тақвияти истеҳсоли молҳои содиротӣ ва молҳои воридотивазкунанда нигаронида шудааст. Ин нуктаро муовини Вазири рушди иқтисод ва савдои Ҷумҳурии Тоҷикистон Илёсиддин Камолиддинзода имрӯз зимни ифтитоҳи конфронси «Инноватсия ва шарикӣ барои ноил гаштан ба Ҳадафҳои Рушди Устувор» дар шаҳри Душанбе баён намуд.
Конфронси мазкур дар доираи Барномаи вохӯрии солона оид ба шарҳи фаъолияти Намояндагии Хазинаи СММ дар соҳаи нуфузи аҳолӣ (UNFPA) дар Ҷумҳурии Тоҷикистон доир гардид.
Дар конфронс намояндагони вазорату идораҳои дахлдор, ташкилоту созмонҳои байналмилалӣ, инчунин сардори Раёсати ҳамкории байналмилалии Вазорати корҳои дохилӣ Зумрад Абдуллозода ва сардори Шуъбаи милитсия оид ба масъалаҳои экологии Вазорати корҳои дохилӣ Анварҷон Ализода иштирок намуданд.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, дар конфронс муовини Вазири рушди иқтисод ва савдои Ҷумҳурии Тоҷикистон Илёсиддин Камолиддинзода изҳор намуд, ки фаъолияти инноватсионии ҳамаи соҳаҳои иҷтимоию иқтисодии кишвар ба самти рушд ва тақвияти истеҳсоли молҳои содиротӣ ва молҳои воридотивазкунанда нигаронида шудааст.
Яке аз роҳҳои рушди фаъолияти инноватсионии кишвар- ин рушди минтақаҳои озоди иқтисодии ҷумҳурӣ маҳсуб меёбад. Аз ин хотир дар кишвар 4 минтақаи озоди иқтисодӣ — «Суғд», «Данғара», «Панҷ» ва «Ишкошим» таъсис дода шудаанд.
Дар ҷараёни конфронс иштирокчиён оид ба мавзӯъҳои нуфузи аҳолӣ, ташаббусҳои якҷоя оид ба дастгирии барномаҳои танзим, банақшагирии оила ва баланд бардоштани маърифати ҳуқуқии аҳолӣ, қаноатбахшии эҳтиёҷоти занони деҳот, пешгирии бемориҳои сирояткунанда ва дигар масоили мубрам ибрози андеша намуданд.
Аз ҷумла, сардори Раёсати ҳамкории байналмилалии Вазорати корҳои дохилӣ Зумрад Абдуллозода дар мавзӯи «Мақомоти ҳифзи ҳуқуқ – ҳамчун қисми асосии вокуниш ба зӯроварии гендерӣ» ва директори Агентии омори назди Президенти Ҷумҳурии Тоҷикистон Гулнора Ҳасанзода дар мавзӯи «Барӯйхатгирии 2020 – ворид намудани технологияи муосир барои баҳодиҳии расидан ба Ҳадафҳои Рушди Устувор» сухан гуфтанд.
Сипас, аз ҷониби иштирокчиёни вохӯрӣ вобаста ба масъалаҳои мавриди назар мубодилаи афкори судманд сурат гирифт.
Дастовардҳои Тоҷикистон дар самти рушди устувори иқтисодӣ дар шаҳри Лондон муаррифӣ гардиданд
Тоҷикистон ва Корея робитаҳои тиҷоратию иқтисодиро тақвият медиҳанд
Тоҷикистон ҳамкориро бо ширкати SK Specialty-и Корея оид ба коркард ва истеҳсоли волфрам тақвият медиҳад
Самтҳои стратегии Маркази ҳамкории бисёрҷониба оид ба маблағгузории рушд барои солҳои 2027-2031 муаррифӣ гардид
ТАҲКИМИ БЕХАТАРИИ САНОАТӢ ВА РУШДИ УСТУВОР. Эҳдо ба 35-солагии Истиқлоли давлатии Тоҷикистон
Кишоварзони Тоҷикистон имсол кишти такрориро аз нақша барзиёд иҷро намуданд
Дар Тоҷикистон ҷамъоварии пахта бо маром идома дорад
Дар Корея рушди инноватсия ва технологияҳои рақамӣ дар Тоҷикистон муаррифӣ карда шуд
Дар Сеул байни КВД «Роҳи оҳани Тоҷикистон» ва Корпоратсияи роҳи оҳани Корея Шартномаи ҳамкорӣ ба имзо расонида шуд
35 СОЛИ ИСТИҚЛОЛ — 35 СОЛИ ШУКУФОӢ БО НЕРУГОҲИ БАРҚИ ОБИИ «РОҒУН». Таҳти чунин унвон чорабинии тантанавӣ баргузор гардид
Оид ба дастовардҳои соҳаи энергетикаи Тоҷикистон филми мустанад ба навор гирифта шуд
35 СОЛИ ИСТИҚЛОЛ. Дар Тоҷикистон беш аз 100 ҳазор гектар замин ба аҳолии мамлакат тақсим карда шуд
