«Ҳизби муттаҳидсозанда бо Пешвои мардумӣ»-таҳти ин унвон дар Душанбе Форуми ҷавонон доир шуд

Декабрь 16, 2017 12:34

ДУШАНБЕ, 16.12.2017 /АМИТ «Ховар»/.  15 декабри соли равон дар ҶДММ «Кохи Наврӯз» бо ташаббуси Кумитаи иҷроияи Ҳизби Халқии Демократии Тоҷикистон  дар ноҳияи Исмоили Сомонӣ таҳти унвони «Ҳизби муттаҳидсозанда бо Пешвои мардумӣ» бахшида ба ҷамъбасти Соли ҷавонон ва 23-солагии Рӯзи таъсиси Ҳизби Халқии Демократии Тоҷикистон Форуми ҷавонон баргузор гардид.

Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе Зоир Раҳмонзода иброз намуд, ки имрӯз аксарияти аҳолии Ҷумҳурии Тоҷикистонро ҷавонон ташкил медиҳанд, ки онҳо давомдиҳандаи фаъолияти насли калонсол, неруи созанда ва иқтидори воқеии пешрафти ҷомеа ва ояндаи миллату давлат ба ҳисоб мераванд. Аз ин рӯ Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саҳми ҷавононро дар рушди кишвар ба инобат гирифта, соли 2017-ро дар Тоҷикистон Соли ҷавонон эълон намуданд.

Ҷавонони тоҷик аз ин таваҷҷуҳи Пешвои худ рӯҳу илҳоми тоза гирифта, ба Модар-Ватан хизмати содиқона намуданро қарзи фарзандии худ медонанд. Тавре Президенти Ҷумҳурии Тоҷикистон муҳтарам Эмомалӣ Раҳмон дар Анҷумани 12-уми Ҳизби Халқии Демократии Тоҷикистон таъкид намуда буданд: «Ватанро дӯст доштан, аз он ифтихор кардан, барои ҳимояи он омода будан, ба қадри сулҳу субот, осудагиву ваҳдат ва истиқлолияти давлатӣ расидан аз ҷумлаи арзишҳое мебошанд, ки ҷавонони мо бояд онҳоро сармашқи зиндагиву фаъолияти ҳаррӯзаи худ қарор диҳанд ва итминон дошта бошанд, ки танҳо дар ҳамин сурат мо stop-ed-black.com воқеан ободу пешрафтаро бунёд намоем».

Ба иттилои раиси Кумитаи иҷроияи Ҳизби Халқии Демократии Тоҷикистон, Кумитаи мазкур дар шаҳри Душанбе ва ноҳияҳои он дар самти кор бо ҷавонон зиёда аз 600 барномаи гуногуни фарҳангиву маърифатӣ баргузор намуда, барои баланд бардоштани ҳисси миллӣ, ватандӯстии ҷавонон ва ташвиқу тарғиби тарзи ҳаёти солим саҳми назарраси худро гузошт.

Дар анҷоми Форуми Кумитаи иҷроияи Ҳизби Халқии Демократии Тоҷикистон  дар ноҳияи Исмоили Сомонӣ таҳти унвони «Ҳизби муттаҳидсозанда бо Пешвои мардумӣ»   аз ҷониби ҳунармандони шинохтаи ҷумҳурӣ барномаи театрӣ намоиш дода шуд.

Декабрь 16, 2017 12:34

Хабарҳои дигари ин бахш

Коршиносони Маркази тадқиқоти стратегӣ дар конфронси байналмилалӣ доир ба рушд ва ҳамкории Чин ва Тоҷикистон иштирок намуданд
Дар ЭКСПО-и фарҳангии шаҳри Лондон гӯшаи фарҳанги миллӣ ва намоиши либосҳои тоҷикӣ ташкил гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Душанбе доир ба нақши оила дар рушди сармояи инсонӣ конференсияи байналмилалӣ доир шуд
АЗ ТАШАББУСҲОИ БАЙНАЛМИЛАЛӢ ИФТИХОР ДОРЕМ. Дар Донишгоҳи технологии Тоҷикистон Рӯзи ҷаҳонии футболро таҷлил намуданд
«МегаФон Тоҷикистон» интернет туҳфа менамояд
Ҳилоли Аҳмари Эрон дар бораи марги президент ва вазири корҳои хориҷии Ҷумҳурии Исломии Эрон иттилоъ дод
Изҳороти матбуотии Вазорати корҳои хориҷии Ҷумҳурии Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
Яке аз чархболҳои корвон бо ҳузури Президенти Эрон фуруди сахт анҷом дод
«МАОРИФ-АСОСИ ТАКМИЛ ВА РУШДИ ИНСОН». Таҳти чунин унвон китоби нав нашр гардид
Имрӯз дар ноҳияҳои алоҳидаи кӯҳию доманакӯҳии Тоҷикистон борони кӯтоҳмуддат меборад