ОБУ ҲАВО: имрӯз дар Тоҷикистон ҳавои номусоид дар назар аст

ДУШАНБЕ, 25.12.2017 /АМИТ «Ховар»/. Имрӯз дар ҷумҳурӣ ҳаво абрнок гардида, дар водиҳо ҳарорат номусоид дар назар аст. Дар баъзе ноҳияҳои кӯҳӣ боридани борону барфи кӯтоҳмуддат ва фаромадани туман дар назар дошта шудааст. Дар ин бора ба хабарнигори АМИТ «Ховар» аз Агентии обуҳавошиносии Тоҷикистон хабар доданд.

Обуҳавошиносон иттилоъ доданд, ки имрӯз дар вилояти Суғд ҳавои тағйирёбандаи абрнок, дар баъзе минтақаҳо боридани борону барф дар назар дошта шудааст. Шамол аз самти ғарб 3-8 метр ва дар баъзе ноҳияҳо то 15-20 метр дар як сония мевазад. Ҳаво дар водиҳо шабона 5 ва рӯзона 5-10 дараҷа гарм мешавад.

Ба иттилои манбаъ, имрӯз, 25 декабр дар Вилояти Мухтори Кӯҳистони Бадахшон ҳавои абрнок ва дар баъзе ҷойҳо боридани борону барф пешгӯӣ мешавад. Дар ғарби вилоят ҳаво шабона 2-7 дараҷа хунук ва рӯзона 3-8 дараҷа гарм мешавад. Дар шарқи ин вилоят ҳаво шабона 14-19  ва рӯзона 3-8 дараҷа сард мешавад.

Дар вилояти Хатлон ҳамчунин ҳавои тағйирёбандаи абрнок, дар ноҳияҳои наздикӯҳӣ фаромадани туман пешгӯӣ шуда, шамол аз самти ғарб 3-8 метр дар як сония мевазад. Ҳаво дар водиҳо шабона 3-8 ва рӯзона 14-19 дараҷа гарм мешавад.

Дар шаҳру ноҳияҳои тобеи марказ  ҳавои тағйирёбандаи абрнок ва бебориш пешгӯӣ  шуда, дар баъзе ноҳияҳои кӯҳӣ боридани борону барф дар назар дошта шудааст. Шамол аз самти ғарб 3-8  метр дар як сония мевазад. Ҳарорат дар водиҳо шабона 1-6 ва  рӯзона 12-17 дараҷа гарм мешавад.

Дар шаҳри Душанбе ҳаво тағйирёбандаи бебориш шуда, шамол аз самти ғарб 2-7 метр дар як сония мевазад. Ҳаво шабона 4-6 дараҷа хунук ва рӯзона 15-17 дараҷа гарм мешавад.