САФҲАИ МУАРРИФ. Портали миллии сайёҳии Тоҷикистон фаъол шуд

Декабрь 1, 2017 16:49

ДУШАНБЕ, 1.12.2017 /АМИТ «Ховар»/. Кумитаи рушди сайёҳии назди Ҳукумати Ҷумҳурии Тоҷикистон портали миллии сайёҳиро фаъол намуд. Имрӯз дар шаҳри Душанбе ҳамоиш оид ба муаррифии ин портал доир гардид.

Раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода зимни муаррифии  портали миллии сайёҳӣ таҳияи онро ҷиҳати расонидани маълумоти пурра ва саҳеҳ ба сайёҳони дохилию хориҷӣ муҳим арзёбӣ намуд.

“Пас аз муаррифӣ ва ба кор даромадани портали мазкур, он ба Созмони умумиҷаҳонии сайёҳӣ пешниҳод карда мешавад ва тавассути ин Созмон расман ба 158 давлатҳои узви комилҳуқуқи Созмон ва 509 ассотсиатсияву созмонҳои байналмилалии узви вобастаи Созмони умумиҷаҳонии сайёҳӣ муаррифӣ карда мешавад. Яъне соҳаи сайёҳии кишвар бори нахуст ба бозори ҷаҳонии сайёҳӣ ё низоми байналмилалии сайёҳӣ ворид мешавад ва барои ҷалби ҳамаҷонибаи сайёҳони хориҷӣ ба Ватани зебоманзари мо мусоидати ҷиддӣ хоҳад кард”, — афзуд Н. Абдуғаффорзода.

Маврид ба зикр аст, ки портали миллии сайёҳии Тоҷикистон бо забонҳои тоҷикӣ, русӣ ва англисӣ омода карда шуда, дар оянда бо забонҳои дигари хориҷӣ низ таҳия мешавад.

Ин портал фарогири тамоми иттилооти зарурӣ оид ба имкониятҳои сайёҳии Тоҷикистон, қоидаҳои будубош, дастрас намудани раводид, фарҳангу таърих ва анъанаҳои миллӣ, ширкатҳои сайёҳӣ, иқлим, осоишгоҳу истироҳатгоҳҳо, хатсайрҳои ҳавоӣ, ҳунарҳои дастию армуғонҳо ва дигар маълумоти муҳим мебошад.

Дар портал айни замон зиёда аз 20 ширкати сайёҳӣ, як қатор осоишгоҳҳо, ширкатҳои ҳавопаймоӣ, меҳмонхонаҳо ҷой дода шудаанд, ки тавассути онҳо сайёҳон ва дигар ҳавасмандон метавонанд мустақиман ба сомонаи ин ширкатҳо ворид шаванд.

 

Декабрь 1, 2017 16:49

Хабарҳои дигари ин бахш

РУШДИ САЙЁҲӢ. Имсол ба Мамнуъгоҳи Султон Увайси Қаранӣ беш аз 5 ҳазор меҳмонони дохиливу хориҷӣ ворид шудаанд
Фаъолияти Донишгоҳи байналмилалии сайёҳӣ ва соҳибкории Тоҷикистон дар нимаи аввали соли 2025 қаноатбахш арзёбӣ гардид
Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
РУШДИ САЙЁҲӢ. Имсол ба вилояти Суғд беш аз 242 ҳазор меҳмони хориҷӣ ворид шудааст
РУШДИ САЙЁҲӢ. Табиати дилфиреби Хатлонзаминро беш аз 400 ҳазор нафар сайёҳон тамошо намуданд
Сарвари давлат Эмомалӣ Раҳмон дар ноҳияи Дарвоз аз деҳаи этнографии комплекси сайёҳии «ЗЕВ.С» дидан намуданд
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд
РУШДИ САЙЁҲӢ. Имсол 1612 нафар сайёҳон табиати нотакрори Бадахшонро тамошо карданд
«ХАТЛОН-ҚАЛБИ ГАРМИ САЙЁҲӢ». Дар шаҳри Кӯлоб форум ва намоишгоҳи байналмилалии сайёҳӣ доир гардид
«САЁҲАТ БА ҚАЛБИ АВРУОСИЁ». 12 июл иштирокчиёни экспедитсияи байналмилалӣ ба Тоҷикистон мерасанд
«ХАТЛОН-ҚАЛБИ ГАРМИ САЙЁҲӢ». Дар Кӯлоб форум ва намоишгоҳи байналмилалии сайёҳӣ доир мешавад
Дар мавзуи «Нақши Ваҳдати миллӣ дар рушди иқтисоди миллӣ ва сайёҳию соҳибкорӣ» ҳамоиш баргузор шуд