Шаби Соли навро сокинони Тоҷикистон бе барф пешвоз мегиранд
ДУШАНБЕ, 28.12.2017 /АМИТ «Ховар»/. Шаби соли навро сокинони мамлакат бе барф пешвоз мегиранд. Дар ин бора сардори Маркази обуҳавосанҷии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева зимни суҳбат ба хабарнигори АМИТ «Ховар» иттилоъ дод.
Оё Соли нав бе барф мешавад? Албатта, мешавад. Тавре маълум аст, дар бисёр давлатҳои ҷануб, масалан Австралия, умуман барф намеборад, вале шаби 31 декабр Соли навро бо шодию нишот истиқбол мегиранд.
Ҷамила Байдуллоева дар мавриди он ки гӯё ин гармиҳо муваққатиянд ва аллакай аз даҳаи аввали моҳи январи соли 2018 сар карда, сардии қаҳратун шурӯъ мешавад, гуфт, ки тибқи пешгӯии Агентии обуҳавошиносии Тоҷикистон, навобаста аз он ки моҳи январ дар ҷумҳурӣ яке аз моҳҳои сарди зимистон ба шумор меравад, даҳаи аввали он на он қадар сард меояд.
«Шурӯъ аз даҳаи аввали моҳи январ гармии ҳаво 8-13 дараҷаро ташкил медиҳад, яъне то 5 дараҷа фарқ хоҳад кард. Даҳаи аввали моҳи январ дар минтақаҳои баландкӯҳ эҳтимоли бориши барф дар назар буда, ҳарорат аз 0 то 2 дараҷа паст мегардад»,-зикр намуд Ҷамила Байдуллоева.
Ба иттилои Агентии обуҳавошиносии Тоҷикистон, 31 декабр дар ҷумҳурӣ асосан ҳавои тағйирёбандаи абрӣ дар назар аст.
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
Имрӯз дар шаҳри Душанбе ҳаво то 36 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
