Шариф Назарзода сардори Раёсати Вазорати корҳои дохилии шаҳри Душанбе таъйин гардид

ДУШАНБЕ, 12.12.2017./АМИТ «Ховар»/.  Тавре аз ин пеш иттилоъ додем, имрӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо як қатор кадрҳое, ки ба вазифаҳои роҳбарикунанда дар сохтору воҳидҳои Вазорати корҳои дохилии Ҷумҳурии Тоҷикистон таъин гардиданд, суҳбат намуданд.

Аз ҷумла, дар мувофиқа бо Президенти Ҷумҳурии Тоҷикистон генерал-майори милитсия Назарзода Шариф Раҳмон, ки то ин вақт сардори Раёсати Вазорати корҳои дохилии Ҷумҳурии Тоҷикистон(РВКД)  дар вилояти Суғд буд,    сардори Раёсати Вазорати корҳои дохилӣ дар шаҳри Душанбе таъйин гардид. Ӯ дар ин вазифа Фотеҳ Қунғуротзодаро иваз намуд.

Дар мувофиқа бо Президенти Ҷумҳурии Тоҷикистон инчунин сардорони як қатор Раёсату шуъбаҳои Вазорати корҳои дохилӣ дар дастгоҳи марказии вазорат ва  шаҳру ноҳияҳои мамлакат таъин карда шуданд. Аз ҷумла:

— генерал-майори милитсия Назарзода Қудратулло Бобо – сардори РВКД дар вилояти Суғд;
— генерал-лейтенанти милитсия Сабзов Шералӣ – сардори Раёсати амнияти дохилии ВКД;
— генерал-майори милитсия Шафизода Рустам Исмоил – сардори Раёсати таҳқиқи ВКД;
— генерал-майори милитсия Қунғуротзода Фотеҳ – сардори Раёсати Вазорати корҳои дохилӣ дар нақлиёт;
— генерал-майори милитсия Искандарзода Абдулваҳоб Мансур – муовини аввали сардори РВКД дар вилояти Хатлон;
— полковники милитсия Бухоризода Мансур Ғоиб – сардори РВКД дар ВМКБ;
— полковники милитсия Азизулозода Сафиало Азизуло – сардори РВКД дар минтақа ва ноҳияи Рашт;
— полковники милитсия Хафиззода Шоди Хуршед – сардори Раёсати мубориза бар зидди ҷиноятҳои муташаккили ВКД;
— подполковники милитсия Саидзода Шоҳрух Абдуфатоҳ – сардори Раёсати кофтукови ҷиноятии ВКД;
— полковники милитсия Фаттозода Абдусаттор Абдуқаҳор – сардори Хадамоти пешгирии ҳуқуқвайронкунӣ дар байни ноболиғон ва ҷавонони ВКД;

— подполковник Раупов Суҳроб Орзуевич – Фармондеҳи қӯшунҳои дохилии ВКД;
— полковники хизмати дохилӣ Рустамов Хурсанбек Маҳмадалиевич – сардори Раёсати тиббии ВКД;
— подполковники хизмати дохилӣ Гиёзода Собирҷон Мусофир – сардори Раёсати алоқаи ВКД;
— подполковники милитсия Каримзода Абдураҳмон Ҳаким – сардори Шуъбаи ВКД дар нақлиётбудаи вилояти Суғд;
— подполковники милитсия Усмонзода Анис Карим – сардори ШВКД дар шаҳри Истиқлоли вилояти Суғд;
— полковники милитсия Абдуқодирзода Ҷаъфар Комил – сардори ШВКД дар шаҳри Ҳисор;
— полковники милитсия Шарифзода Ҷамшед Карим – сардори ШВКД дар ноҳияи Ёвони вилояти Хатлон;
— полковники милитсия Шокирзода Баҳром Хол – сардори ШВКД дар ноҳияи Фархори вилояти Хатлон;
— полковники милитсия Пирумшозода Нуриддин Давлат – сардори ШВКД дар ноҳияи Ҳамадонии вилояти Хатлон;
— подполковники милитсия Достиев Рустам Абдулмаҷидович – сардори ШВКД дар ноҳияи Хуросони вилояти Хатлон;
— полковники хизмати дохилӣ Аҳмадзода Рустам Саидаҳмад – сардори ШВКД дар ноҳияи Вахши вилояти Хатлон;
— полковники милитсия Анварзода Шуҳрат – сардори ШВКД дар ноҳияи Б.Ғафурови вилояти Суғд;
— полковники милитсия Сайфзода Самад Мадамон – сардори ШВКД дар ноҳияи Файзобод;
— подполковники милитсия Абдураҳмонзода Фатҳулло Абдулло – сардори ШВКД оид ба хизматрасонии деҳоти «Навобод»-и РВКД дар минтақа ва ноҳияи Рашт;

— подполковники милитсия Фидозода Мирзо Қаноатшо – сардори ШВКД дар ноҳияи Нуробод.
Зимни суҳбати самимӣ ва ошкоро Пешвои миллат муҳтарам Эмомалӣ Раҳмон аз авзои пешгӯиношавандаи ҷомеаи ҷаҳонӣ, бахусус минтақа изҳори нигаронӣ намуда, аз ҳар як нафари ба вазифаҳои масъулу пуршараф таъингардида зиракиву ҳушёрӣ ва садоқат ба Ватанро талаб намуданд.