Ташхисгари тиббӣ-судии Маркази экспертизаи тиббӣ-судии вилояти Хатлон бо гумони порагирӣ боздошт шуд
ДУШАНБЕ, 18.12.2017 /АМИТ «Ховар»/. Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз боздошти ташхисгари тиббӣ-судии Маркази экспертизаи тиббӣ-судии вилояти Хатлон Раҳматулло Мудинов хабар медиҳад.
Ба иттилои манбаъ, номбурда аз ваколатҳои мансабиаш истифода карда, бо роҳи фиреб ва суиистифодаи боварӣ аз шаҳрванд «А» барои пешниҳод кардани хулосаи тиббӣ-судӣ вобаста ба фарзандаш дар хусуси бардоштани ҷароҳати ҷисмонӣ 13 ҳазор сомонӣ талаб намудааст.
«Кормандони Агентӣ дар шаҳри Қӯрғонтеппа, кӯчаи Ваҳдат, назди бинои Терминали мусофиркашонии шаҳри Қӯрғонтеппа ҳангоми аз шаҳрванд “А” гирифтани 13 ҳазор сомонӣ Раҳматулло Мудиновро дар ҷои ҳодиса дастгир карданд ва ин маблағ аз ӯ ҳамчун далели шайъӣ гирифта шуд»,-гуфт манбаъ.
Вобаста ба ҳолати мазкур нисбат ба Раҳматулло Мудинов бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
