Агентии хизмати давлатии назди Президенти Ҷумҳурии Тоҷикистон ва «Тоҷиксуғурта» оид ба ҷамъбасти соли 2017 нишасти матбуотӣ баргузор менамоянд

ДУШАНБЕ, 22.01.2018. /АМИТ «Ховар»/. Пагоҳ, 23 январи соли 2018 Агентии хизмати давлатии назди Президенти Ҷумҳурии Тоҷикистон ва КВД «Тоҷиксуғурта» оид ба ҷамъбасти шашмоҳаи дуюми соли 2017 мутобиқи Амри Президенти Ҷумҳурии Тоҷикистон аз 15 сентябри соли 2011 нишасти матбуотӣ баргузор менамоянд.

Роҳбарони вазорату идораҳо ва ташкилоту муассисаҳо аз натиҷаҳои фаъолият дар нимаи дуюми соли гузашта маълумоти муфассал пешниҳод намуда, оид ба бурду бохти соҳа, муваффақият ва мушкилоти ҷойдошта, роҳҳои бартараф кардани онҳо мулоҳизаҳои худро изҳор мекунанд ва ба саволҳои намояндагони воситаҳои ахбори омма ҷавоб мегӯянд.

Нишасти матбуотии Агентии хизмати давлатӣ соати 14 дар толори Маркази матбуоти ҷумҳуриявии «Ховар» ва нишасти матбуотии КВД «Тоҷиксуғурта» соати 10 дар бинои корхонаи мазкур гузаронида мешаванд.

Хотиррасон мекунем, ки тибқи дастури Дастгоҳи иҷроияи Президенти Ҷумҳурии Тоҷикистон масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, бояд вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуотӣ гузаронидан мувофиқа намоянд (хиёбони Рӯдакӣ, 40, ошёнаи 2, телефонҳои 918-21-52-04, 93 -512-12-88, 221-30-15).

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.