Беҳтарин оилаҳои ҷавони Тоҷикистон муайян шуданд
ДУШАНБЕ, 03.01. 2018./АМИТ «Ховар»/. Озмуни ҷумҳуриявии «Беҳтарин оилаи ҷавон» дар арафаи Соли нави мелодӣ дар толори Донишгоҳи техникии Тоҷикистон ба номи академик М. Осимӣ ҷамъбаст гардид.
Ёдовар мешавем, ки Кумитаи кор бо занон ва оилаи назди Ҳукумати Ҷумҳурии Тоҷикистон тибқи Амри Президенти Ҷумҳурии Тоҷикистон бахшида ба Соли ҷавонон дар ҳамкорӣ бо вазоратҳои фарҳанг, маориф ва илм, кумитаҳои кор бо ҷавонон ва варзиш, телевизион ва радио, мақомоти иҷроияи ҳокимияти давлатии ВМКБ, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ озмуни ҷумҳуриявии «Беҳтарин оилаи ҷавон»-ро эълон намуда буд.
Мақсади баргузории озмунро масъулин дар баланд бардоштани маърифати оиладории ҷавонон, ҳидояти онҳо барои бунёди оилаи солим, омода намудани онҳо ба ҳаёти мустақилона, таҳкими заминаи мусоид баҳри пойдории оилаҳои ҷавон, пешгирии ҳодисаҳои номатлуб, аз қабили вайроншавии оилаҳои ҷавон, никоҳи бармаҳал ва хешу таборӣ, зӯроварӣ дар оила ва дар маҷмӯъ, тарғиби тарзи ҳаёти солим байни ҷавонон, сарфаву сариштакорӣ ва муаррифии намунаҳои беҳтарини оилаҳои ҷавон арзёбӣ намуданд.
Мавриди зикр аст, ки озмуни «Беҳтарин оилаи ҷавон» дар се давр доир гардида, даври аввал дар шаҳру ноҳияҳо, даври дуюм дар сатҳи вилоятҳо ва даври ниҳоии он дар шаҳри Душанбе баргузор гардида, дар он 11 оилаи беҳтарин аз ВМКБ, вилоятҳои Суғду Хатлон, шаҳри Душанбе ва шаҳру ноҳияҳои Турсунзода, Роғун, Ҳисор, Варзоб, Файзобод, Рашт ва Тоҷикобод ширкат доштанд.
Озмун аз рӯи 6 шарт-муаррифии оила, бахшҳои рӯзгордорӣ, маънавӣ ва андарзӣ, фарҳангӣ-фароғатӣ, намоиши ҳунарҳои дастӣ ва бахши ҳаҷвӣ доир гардида, ҳар яке аз оилаҳои ҷавон беҳтару хуштар ва бо завқи баланд ҳунарнамоӣ карданд.
Ҳайати ҳакамон маҳорату малака ва истеъдоди ҳар як оилаи ҷавонро баҳогузорӣ намуда, ҷойи аввалро ба беҳтарин оилаи ҷавон аз ВМКБ- Ғолиб Ниятбеков ва ҳамсараш Гуландом Назармамадова, ҷойи дуюмро ба оилаи Носирҷон Маъмурзода ва ҳамсараш Ҳангомаи Исмат аз вилояти Хатлон ва ҷойи сеюмро ба оилаи Оятулло Муродзода ва ҳамсараш Шаҳло Ғаффорова аз ноҳияи Варзоб муносиб донистанд.
Ғолибони озмун ва иштирокчиён бо дипломҳо ва туҳфаҳои хотиравӣ қадрдонӣ гардиданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
