Дар таъмини рушди ММД саҳми соҳаи саноат хеле назаррас аст
ДУШАНЕБЕ, 22.01.2018 /АМИТ «Ховар»/. Таҳлили сохтории маҷмӯи маҳсулоти дохилӣ дар давраи ҳисоботӣ нишон дод, ки дар таъмини рушди ММД саҳми соҳаи саноат хеле назаррас буда, тибқи ҳисобҳо аз ҳаҷми умумии рушди маҷмӯи маҳсулоти дохилӣ 3,2 банди фоизии он ё 45 фоизи нишондиҳандаи мазкур ба ин соҳа рост меояд. Дар ин бора муовини якуми Вазири рушди иқтисод ва савдо Завқӣ Завқизода имрӯз зимни ҷамъбасти фаъолияти Вазорати рушди иқтисод ва савдо ва натиҷаҳои рушди иҷтимоию иқтисодии Ҷумҳурии Тоҷикистон дар соли 2017 ба хабарнигорон иттилоъ дод.
Ба маълумоти номбурда, ин асосан аз ҳисоби баланд будани суръати рушди истеҳсоли маҳсулоти саноатӣ нисбат ба дигар соҳаҳои иқтисоди миллӣ ба вуқӯъ омадааст.
Муовини якуми Вазири рушди иқтисод ва савдо Завқӣ Завқизода ҳамчунин зикр намуд, ки дар ин давра ММД ба 61,1 млрд. сомонӣ баробар гардида, рушди воқеии он 7,1 фоизро ташкил намуд. Рушди мусбати иқтисодиёти ҷумҳурӣ аз ҳисоби афзоиши воқеии ҳаҷми истеҳсоли маҳсулоти саноатӣ ба андозаи 21,3 фоиз, маҳсулоти кишоварзӣ 6,8 фоиз, маблағгузорӣ ба сармояи асосӣ 4,1 фоиз, гардиши савдои чакана 6,6 фоиз ва хизматрасонии пулакӣ 1,8 фоиз таъмин гардидааст.
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
