Директори АМИТ «Ховар» бо Сафири Шоҳигарии Арабистони Саудӣ мулоқот намуд
ДУШАНБЕ 23.01.2018 /АМИТ «Ховар»/. Имрӯз дар Маркази матбуоти ҷумҳуриявӣ мулоқоти директори Агентии миллии иттилоотии Тоҷикистон «Ховар» Саидалӣ Сиддиқ бо Сафири Шоҳигарии Арабистони Саудӣ дар Ҷумҳурии Тоҷикистон Абдулазиз ибни Муҳаммад ал-Бодӣ баргузор гардид.
Ҷонибҳо оид ба таҳким бахшидани ҳамкории неку дӯстона дар бахши фарҳангу иттилоот изҳори назар карда, зикр намуданд, ки барои бештар намудани ин муносибатҳо имкониятҳои истифоданашуда зиёданд. Аз ҷумла, таҳия ва барои мувофиқа пешниҳод намудани лоиҳаи Созишномаи ҳамкорӣ миёни АМИТ «Ховар» ва Агентии иттилоотии Саудӣ ҷиҳати табодули таҷриба, бозомӯзии кормандон, расонидани кумакҳои бебозгашти моддӣ-техникӣ, инчунин табодули мунтазами иттилоот миёни ду агентии иттилоотӣ барои беҳтар намудани робитаҳои иҷтимоиву фарҳангии ҳарду мамлакат мусоидат мекунанд.
Мулоқот дар фазои неку созанда сурат гирифт.
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
Имрӯз дар шаҳри Душанбе ҳаво то 32 дараҷа гарм мешавад
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
