Доираҳои соҳибкории Тоҷикистон дар Намоишгоҳи байналмилалии Шанхай иштирок мекунанд
ДУШАНБЕ, 18.01.2018/АМИТ «Ховар»/. Масъалаҳои марбут ба таҳкими ҳамкорӣ байни доираҳои тиҷоратии Ҷумҳурии Тоҷикистон ва Ҷумҳурии Мардумии Чин зимни вохӯрии раиси Палатаи савдо ва саноати Ҷумҳурии Тоҷикистон Шариф Саид бо мушовир оид ба масъалаҳои иқтисодию тиҷоратии назди Сафорати Ҷумҳурии Мардумии Чин дар Ҷумҳурии Тоҷикистон Сюн Ян дар Душанбе баррасӣ гардиданд
Аз Палатаи савдо ва саноати Ҷумҳурии Тоҷикистон ба АМИТ «Ховар» иттилоъ доданд, ки мусоҳибон аз баргузории намоишгоҳи байналмилалии молҳои тавлидотии Чин, ки моҳи декабри соли гузашта дар Душанбе доир гардид, изҳори қаноатмандӣ намуданд. Шариф Саид зикр кард, ки Тоҷикистон ба иштироки сохторҳои тиҷоратии Чин дар лоиҳаҳои афзалиятноки иқтисодии ҷумҳурӣ манфиатдор аст. «Мо бояд ҳамкории иқтисодию тиҷоратиро беш аз пеш, хусусан дар бахшҳои энергетика, истихроҷ ва коркарди металлҳои қиматбаҳо, нафт, металлургия, мошинсозӣ, хӯрокворӣ, саноати сабук, фармасевтика, технологияҳои иттилоотӣ ва кишоварзӣ таҳким бахшем»,-иброз намуд Ш. Саид.
Зикр шуд, ки Тоҷикистон дорои беш аз 470 лоиҳаи сармоягузорӣ буда, дар ин росто мо омодаем, ки сармоягузорони чинӣ дар татбиқи лоиҳаҳои афзалиятноки Тоҷикистон дар соҳаҳои гидроэнергетика, саноат, нақлиёт, телекоммуникатсия, сохтмон, бахши бонкдорӣ, саноати дорусозӣ, маориф ва туризм иштироки фаъол дошта бошанд.
Дар мулоқот ҳамзамон масъалаи марбут ба баргузории Намоишгоҳи байналмилалии воридотӣ, ки моҳи ноябри соли равон дар шаҳри Шанхайи Чин доир мегардад, баррасӣ шуд. Таъкид гардид, ки иштироки доираҳои тиҷоратии Ҷумҳурии Тоҷикистон дар намоишгоҳи мазкур имконияти фарохро ҷиҳати муаррифии маҳсулоти тавлидотии Тоҷикистон, бахусус баланд бардоштани иқтидори содиротии Ҷумҳурии Тоҷикистон фароҳам меорад.
Шариф Саид Сюн Янро бовар кунонд, ки Палатаи савдо ва саноати Тоҷикистон дар доираи ваколати худ кӯшиш менамояд, ки доираҳои соҳибкории Ҷумҳурии Тоҷикистон дар намоишгоҳи байналмилалии воридотӣ дар Шанхай иштироки фаъол намоянд, зеро он дар татбиқи «Барномаи давлатии мусоидат ба содирот ва ивазкунандаи воридот барои солҳои 2016-2020» мусоидат менамояд.
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
