Фирӯза Раҳимова «Тарроҳи беҳтарин» гардид

ДУШАНБЕ, 18.01.2018 /АМИТ «Ховар»/. Хонандаи синфи 10-и Гимназияи №4-и шаҳри Хуҷанд Фирӯза Раҳимова дар озмуни вилоятии «Тарроҳи беҳтарин» дар бахши «Идона» сазовори ҷои якум ва дипломи озмун гардид.

Тавре аз дафтари матбуоти раиси шаҳри Хуҷанд ба АМИТ «Ховар» хабар доданд, озмун байни аъзои маҳфилҳои дӯзандагии муассисаҳои таълимии вилояти Суғд баргузор гардид.

Мақсади озмун баланд бардоштани сатҳи дониш барои инкишофи истеъдоди шахсият, дарки зебоиву эстетика аз ҷониби  бонувон, зиёд намудани завқи хонандагон ба омӯзиши ҳунарҳои миллӣ,  ҳавасманд намудани ҳунармандони наврасу боистеъдод,  инкишофи қобилияти навоварӣ ва зеҳнию эҷодии хонандагон мебошад.