Масъалаҳои таъмини зиндагии сазовор барои шаҳрвандон дар меҳвари Паём қарор гирифтаанд
ДУШАНБЕ, 10.01.2018 /АМИТ «Ховар»/. Дирӯз гурӯҳи таблиғотӣ оид ба шарҳу эзоҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» бо роҳбарии муовини раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода, вакили Маҷлиси намояндагон Анвар Тағоймуродов, раиси шаҳри Сарбанд Санавбар Самизода ва сохторҳои марбута дар Кохи фарҳанги шаҳри Сарбанд бо мардуми ин минтақа вохӯрӣ баргузор намуд.
Қабл аз оғози ҷамъомад бахшида ба Соли рушди сайёҳӣ ва ҳунарҳои мардумӣ аз ҷониби наврасон ва ҷавонон намоиши ҳунарҳои дастӣ пешниҳод гардонида шуд.
«Боиси фараҳмандист, ки бо ташаббуси навбатии Пешвои миллат соли 2018 Соли рушди сайёҳӣ ва ҳунарҳои мардумӣ эълон гардид. Маҳз бо талошҳои созанда ва пайгиронаи Сарвари давлат таваҷҷуҳи ҷомеаи ҷаҳонӣ ба захира ва имкониятҳои соҳаи сайёҳии мамлакат зиёд гардида, симои он ҳамчун давлати осоишта ва меҳмонннавоз дар бозори ҷаҳониии соҳавӣ сол то сол устувортар мегардад»,-иброз дошт муовини раиси Кумитаи рушди сайёҳӣ.
Дар мулоқот намояндагони сохторҳои гуногун ба сухан баромада, нуктаҳои асосии Паёмро вобаста ба соҳаҳои рушди иқтисодӣ, иҷтимоӣ ва амниятӣ шарҳ доданд. Зикр гардид, ки таҳлили мазмуни умумии Паём нишон медиҳад, ки дар меҳвари он масъалаҳои таъмини зиндагии сазовор барои шаҳрвандони кишвар ва ғамхории васеъ нисбат ба қишри ҷомеа қарор гирифтаанд. Паём бори дигар дидгоҳи мардумсолор ва сиёсати халқпарвару инсонмеҳвари Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро пурра ифода ва инъикос менамояд.
Вохӯрӣ ва суҳбатҳо то 17 январи соли равон дар минтақаҳои дигари шаҳри Сарбанд идома меёбанд.
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
