Мавзеи Лангар-отаи ноҳияи Спитамен ба феҳристи мавзеъҳои сайёҳӣ ворид карда мешавад

Январь 31, 2018 09:58

ХУҶАНД, 31.01.2018 /АМИТ  «Ховар»/.  Мақомоти иҷроияи ҳокимияти давлатии ноҳияи Спитамен бахшида ба Соли рушди сайёҳӣ ва ҳунарҳои мардумӣ эълон гардидани соли  2018 азм дорад, ки бо ҷалби олимону бостоншиносони ҷумҳурӣ якчанд мавзеи дорои таърихи чандинасраи ноҳияро, ки дар ҷамоатҳои деҳоти Сарбанд, Куруш ва Тағояк (Лангар-ота) воқеанд,  пас аз омӯзиш ва хулосаи мутахассисон ба феҳристи ҷойҳои таърихию сайёҳии ноҳия ворид намояд. Вобаста ба ин масъала аз ҷониби ҳукумати ноҳия ба  Академияи илмҳои Ҷумҳурии Тоҷикистон мактуби дархостӣ низ ирсол гардидааст.

Ин матлаб зимни баргузории нишасти хабарӣ аз ҷониби раиси ноҳияи Спитамен Акрам Сулаймонзода иброз гардид.

Тавре  хабарнигори минтақавии АМИТ «Ховар» иттилоъ дод, раиси ноҳия иброз дошт, ки яке аз чунин мавзеъҳое, ки давоми чандин даҳсолаҳо зиёратгоҳи ҳам сокинони вилоят ва ҳам берун аз он гардидааст, мавзеи Лангар-ота ба ҳисоб меравад.  Ҳоло бо ташаббуси мақомоти маҳаллӣ ва саховатмандони ноҳия дар ин мавзеъ корҳои тозагиву ободонӣ ва навсозии атрофи он ба роҳ монда шудааст.

Ҳамзамон доир ба фаъолияти яке аз коргоҳҳои калонтарини ноҳия- “Спитамен-текстайл” зикр карда шуд, ки коргоҳи мазкур бо дастгирии Ҳукумати мамлакат ва мақомоти иҷроияи ҳокимияти давлатии вилоят аз нав ба кор дароварда шуда, ҳоло дар се баст бо фарогирии 150 нафар коргарон фаъолият дорад. Дар назар аст, ки солҳои наздик пас аз бартараф шудани мушкилоти ҷойдошта, коргоҳ бо иқтидори пурра фаъолият намуда, маҳсулоти истеҳсолшавандаи он то ҳадди ниҳоӣ расонида хоҳад шуд.

“Соли сипаришуда дар ноҳия ҳаҷми истеҳсоли маҳсулоти саноатӣ ба 303 млн 808 ҳазор сомонӣ расонида шуда, ҳамзамон бо ташкили шаш коргоҳи хурду миёна 80 ҷои нави корӣ ташкил гардид. Инчунин дар давраи ҳисоботӣ 17 иншооти таъйиноташ гуногун ва 14 649 ҳазор метри мураббаъ хонаҳои истиқоматӣ  бунёд гардиданд”, -баён дошт Акрам Сулаймонзода.

 

 

Январь 31, 2018 09:58

Хабарҳои дигари ин бахш

Боз ҳашт корманди ширкати «МегаФон Тоҷикистон» унвони соҳавӣ гирифтанд
ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ЭҲТИЁТ- НИМИ ҲАЁТ! Аз аввали соли равон дар Тоҷикистон 66 нафар ғарқ шуданд
20-21 июн дар баъзе минтақаҳои Тоҷикистон хавфи селҳои маҳаллӣ боқӣ мемонад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд
ДАСТОВАРДҲОИ СОҲИБИСТИҚЛОЛӢ. Шурои ҷамъиятии назди Сафорати Тоҷикистон дар Русия дар ин мавзуъ озмун эълон кард
Дар рӯзномаи байналмилаллии арабии «Аш- Шарқ ал-Авсат» фарҳангу адабиёти тоҷик муаррифӣ гардид
Дар Хатлон 44 лоиҳаи сармоягузорӣ татбиқ мегардад
Дар Бадахшон фаъолони маъракаи даъвати баҳории ҷавонписарон ба сафи Артиши миллӣ қадрдонӣ шуданд
Ҳайати бонуфузи Чин ҷиҳати иштирок дар Форуми занон вориди Хуҷанд шуданд
Дар остонаи Рӯзи Ваҳдати миллӣ 1,5 км роҳи деҳаи Иттифоқи шаҳри Ҳисор мумфарш карда шуд
Роҳбарияти «Тоҷикаэронавигатсия» дар Саммити ҷаҳонии «CANSO Global ATM Summit 2024» иштирок намуд