Мулоқотҳои судманди Сафири Тоҷикистон дар Олмон
ДУШАНБЕ, 20.01.2018 /АМИТ «Ховар»/. Рӯзи 18-уми январи соли ҷорӣ дар бинои Вазорати федеролии корҳои хориҷии Олмон мулоқоти Сафири фавқулодда ва мухтори Ҷумҳурии Тоҷикистон дар Олмон Маликшо Неъматов бо сардори Раёсати кишварҳои Осиёи Марказӣ, Қафқоз ва Аврупои шарқии Вазорати федералии корҳои хориҷии Олмон ҷаноби Михаэл Зиберт баргузор гардид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Дар рафти мулоқот ҳолати кунунӣ ва дурнамои муносибатҳои гуногунҷабҳаи дуҷонибаи Тоҷикистону Олмон мавриди баррасӣ қарор гирифта, табодули назари судманд роҷеъ ба самтхои афзалиятноки ҳамкориҳои Тоҷикистону Олмон дар давраи минбаъда сурат гирифт.
Сафири Тоҷикистон ба ҷониби Олмон даъватномаи расмии Ҳукумати Ҷумҳурии Тоҷикистонро ба унвонии Ҳукумати Олмон ҷиҳати иштирок дар Конфронси байналмилалии сатҳи баланд “Даҳсолаи об барои рушди устувор 2018-2028”, ки моҳи июни соли 2018 дар шаҳри Душанбе пешбинӣ гардидааст, супурд.
Инчунин, 19-уми январи соли ҷорӣ дар бинои Сафорати Ҷумҳурии Тоҷикистон дар шаҳри Берлин Сафири фавқулодда ва мухтори Ҷумҳурии Тоҷикистон дар Олмон Маликшо Неъматов бо директори департаменти минтақавии Осиёи Марказии Кумитаи шарқии иқтисоди Олмон Эдуард Кинсбрунер дидору мулоқот намуд.
Дар рафти мулоқот ҷонибҳо ҳолати кунунӣ ва дурнамои ҳамкориҳои иқтисодӣ-тиҷоратии дуҷонибаи Тоҷикистону Олмонро мавриди баррасӣ қарор дода, барои рушду тавсеаи ин ҳамкориҳо дар соли 2018 табодули афкор намуданд.
Ҷониби Кумитаи шарқии иқтисоди Олмон омодагӣ изҳор намуд, ки дар якҷоягӣ бо Сафорати Тоҷикистон ҷиҳати ташвиқу тарғиби имкониятҳои иқтисодӣ ва сармоягузории Тоҷикистон дар доираҳои иқтисодии Олмон мусоидат хоҳад кард.
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Имрӯз дар баъзе ноҳияҳои Тоҷикистон туман мефарояд
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
Дар ҷамоатҳои деҳоти Ясману Ҳоити ноҳияи Рашт ба ифтихори Рӯзи Конститутсия ҳамоиши идона доир гардид
Рӯзи Конститутсияи Ҷумҳурии Тоҷикистонро дар Хуҷанд бошукуҳ таҷлил намуданд
Ҳайати Тоҷикистон дар Форуми байналмилалии Арбитраж дар Чин иштирок намуд
«КОНСТИТУТСИЯ–САРОҒОЗИ НИЗОМИ ДАВЛАТДОРИИ МИЛЛӢ». Таҳти чунин унвон ҳамоиши ҷумҳуриявӣ доир шуд
Дар Донишгоҳи технологии Тоҷикистон бахшида ба Рӯзи Конститутсия конференсияи илмӣ–адабӣ гузаронида шуд
Бахшида ба Рӯзи Конститутсия дар Палатаи савдо ва саноати Тоҷикистон ҳамоиш доир гардид
Рустами Эмомалӣ аз ҷойҳои таърихию муқаддаси шаҳри бостонии Бухоро боздид намуданд
