Рассоми навраси тоҷик дар озмуни Чехия соҳиби ҷоиза гардид
ДУШАНБЕ, 19.01.2018. /АМИТ «Ховар»/. Як тасвири рассоми навраси тоҷик Нигина Азимова ба Намоишгоҳи байналмилалӣ дар Ҷумҳурии Чехия роҳ ёфта, соҳиби ҷоиза гардид.
Тавре директори мактаби бачагонаи рассомии шаҳри Хуҷанд Рауф Раҳматов ба мухбири АМИТ «Ховар» иттилоъ дод, маросими ҷоизасупорӣ дар шаҳри Хуҷанд баргузор шуд.
Ба иттилои манбаъ, ба озмуни мазкур, ки дар мавзӯи саёҳат ва ҷаҳонгардӣ буд, беш аз 25 ҳазор расм ворид гардидаанд. Бачаҳои тоҷик ба ин озмун 11 асар пешниҳод карданд, ки аз миёни онҳо ҳайати ҳакамон расми Нигина Азимоваро пазируфт.
Расми Нигина Азимова дар саҳифаи ин намоишгоҳ дар шабакаи ҷаҳонӣ дастрас аст. Нигина ба Ҷумҳурии Чехия сафар накардааст ва бо ин кишвар аз интернету телевизион ошност.
Бояд гуфт, ки расми тасвиркардаи Нигина Азимова ороишӣ буда, рассом дар он як қасрро тасвир кардааст. Дар канор чеҳраи духтарак, дар фазо ду шабпаракро дар ҳоли болу пар задан инъикос намудааст. Инчунин як манораи қалъаи шаҳри Хуҷанд ва пораҳои атласу адрасро низ ба қалами тасвир кашидааст. Тасвири Нигина аз он гувоҳӣ медиҳад, ки Тоҷикистон макони сулҳу дӯстист ва дорои таърихи қадимию ҳунарҳои мардумист.
Дар Соли рушди сайёҳӣ ва ҳунарҳои мардумӣ дар Тоҷикистон соҳиби ҷоизаи Намоишгоҳи байналмилалӣ дар Ҷумҳурии Чехия гардидани Нигина туҳфаи хубест.
Бояд гуфт, ки Нигина Азимова 17 сол дошта, дар мактаби рақами 19 шаҳри Хуҷанд таҳсил мекунад. Ӯ ҳамзамон тӯли чор сол ҳунари расмкаширо дар Мактаби бачагонаи рассомии маркази вилояти Суғд аз худ кардааст.
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
Пагоҳ дар ноҳияи Восеъ мусобиқаи гӯштини миллӣ баргузор мегардад
Бар асари бориши зиёд ва фурӯравии замин роҳи мошингарди Восеъ-Ховалинг баста шуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
Дар ноҳияи Варзоб вобаста ба ҷалби ҷавонон ба сафи Артиши миллӣ вохӯрӣ доир шуд
Панҷ нафар бар асари тӯфон дар ҷануби Чин ба ҳалокат расиданд
Имрӯз дар баъзе ноҳияҳои кӯҳии Тоҷикистон бориши борону барф дар назар аст
19 кӯдак дар натиҷаи хуруҷи эҳтимолии бемории сурхакон дар шимолу шарқи Нигерия ҳалок шуданд
