Се мусофири мошини тамғаи «Старекс», ки зери сангреза монда буданд, наҷот ёфтанд
ДУШАНБЕ, 09.01.2018 /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз наҷоти се мусофири мошини тамғаи «Старекс», ки зери сангреза монда буданд, хабар медиҳад.
Тавре ба АМИТ «Ховар» сардори маркази матбуоти Кумита Умеда Юсуфӣ хабар дод, дар натиҷаи сангреза ҳангоми ҳаракат аз шаҳри Хоруғ ба самти Душанбе мошини тамғаи «Старекс» бо се мусофир зери сангреза монда, дар натиҷа ронанда, сокини ноҳияи Рӯшон Манучеҳр Раҳматуллоев дар ҷойи ҳодиса ҳалок гардида, се нафар мусофири онро наҷотдиҳандагони Кумита аз дохили мошин берун оварданд. Ба иттилои манбаъ, ин мусофирон дарҳол ба Бемористони марказии ноҳияи Шамсиддин Шоҳин интиқол дода шуданд.
Ёдовар мешавем, ки дар пайи боришоти 8 январи соли равон дар километри 225-уми роҳи мошингарди Душанбе — Кӯлоб — Хоруғ, дар мавзеи Хоҷағалтони ноҳияи Шамсиддин Шоҳин аз кӯҳҳо санг фаромад.
Дар робита ба ин сардори Раёсати сохтмон ва хоҷагии роҳҳои Вазорати нақлиёти Ҷумҳурии Тоҷикистон Аловуддин Аноятшоев ба хабарнигори АМИТ «Ховар» хабар дод, ки дар минтақаи роҳи мазкур резиши санг ҳанӯз ҳам идома дошта, корҳои бартарафсозии оқибатҳои ин офати табиӣ муваққатан қатъ гардидаанд. Ба иттилои номбурда, дар айни ҳол 50 метри роҳ дар ин мавзеъ тоза карда шуда, баробари хотима ёфтани резиши санг корҳои тозакунии роҳи мазкур идома меёбанд.
Аловуддин Аноятшоев ҳамчунин зикр кард, ки айни замон намояндагони сохторҳои дахлдор дар макони офати табиӣ қарор дошта, тамоми техникаи мавҷуда баҳри тоза намудан ва кушодани роҳ сафарбар карда шудаанд.
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
