Сироҷидин Аслов дар ҷаласаи Шӯрои амнияти СММ иштирок намуд
ДУШАНБЕ, 19.01.2018 /АМИТ «Ховар»/. 18 январи соли 2018 дар қароргоҳи СММ Вазири корҳои хориҷии Ҷумҳурии Тоҷикистон Сироҷидин Аслов дар брифинги Шӯрои Амнияти СММ таҳти унвони “Манъи паҳншавии аслиҳаи қатли ом: Чораҳои таҳкими эътимод”, ки таҳти раёсати Қазоқистон доир шуд, ширкат намуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, 18 январи соли 2018 дар шаҳри Ню-Йорк Вазири корҳои хориҷии Ҷумҳурии Тоҷикистон Сироҷидин Аслов бо Вазири корҳои хориҷии Ҷумҳурии Қирғизистон Эрлан Абдилдаев мулоқот намуд.
Зимни вохӯрӣ ҷонибҳо масоили мубрами муносибатҳои дуҷонибаи Тоҷикистону Қирғизистон, инчунин ҳамкории бисёрҷонибаи ду давлатро дар чаҳорчӯбаи СММ мавриди муҳокима қарор доданд.
Инчунин 18 январи 2018 дар қароргоҳи Созмони Милали Муттаҳид Сироҷидин Аслов бо муовини Дабири кулли СММ оид ба масъалаҳои иқтисодӣ ва иҷтимоӣ Лиу Женмин мулоқот анҷом дод.
Зимни мулоқот масъалаҳои ҳамкорӣ миёни Ҷумҳурии Тоҷикистон ва СММ, алалхусус Департаменти иқтисодӣ ва иҷтимоии СММ (UNDESA) мавриди муҳокима қарор гирифтанд. Ҷонибҳо ҳамчунин дар робита ба масъалаҳои ҷаҳонии об ва татбиқи саривақтии ҳадафҳои рушди устувор табодули назар намуданд.
Зимни суҳбат ҳамчунин Конфронси байналмилалӣ оид ба татбиқи Даҳсолаи байналмилалии амал «Об барои рушди устувор», 2018-2028, ки моҳи июни соли 2018 дар шаҳри Душанбе баргузор мегардад, мавриди баррасӣ қарор гирифт.
Вазири корҳои хориҷии Ҷумҳурии Тоҷикистон Сироҷидин Аслов 18 январи соли 2018 дар Қароргоҳи СММ бо Мудири Барномаи рушди Созмони Милали Муттаҳид (БР СММ) Аҳим Штейнер мулоқот намуд.
Зимни мулоқот масъалаҳои ҳамкорӣ миёни Ҷумҳурии Тоҷикистон ва Барномаи рушди СММ, аз ҷумла, раванди татбиқи лоиҳаҳои БР СММ дар робита ба рушди иҷтимоӣ ва иқтисодии Тоҷикистон, инчунин мусоидати БР СММ дар татбиқи барномаҳои марбут ба рушди устувори мамлакат мавриди муҳокима қарор гирифтанд.
РАВАНДИ ОБИ ДУШАНБЕ. Дар Конфронси чоруми байналмилалии сатҳи баланд кадом масъалаҳо баррасӣ мешаванд?
Дар шаҳри Варшава барои ҷавонони тоҷик мусобиқаи футбол ташкил карда шуд
Ҳамкорӣ байни муассисаҳои таҳсилоти олии Тоҷикистон ва Донишгоҳи давлатии иқтисодии Озарбойҷон баррасӣ гардид
Сафири Тоҷикистон бо муовини Фармондеҳи генералии Қӯшунҳои сарҳадии Лаҳистон вохӯрӣ кард
Сафари таърихии давлатӣ ба Чин. Натиҷаҳо беш аз 80 санади нави ҳамкорӣ ва ҷалби зиёда аз 8 миллиард доллари амрикоӣ сармоя ба иқтисодиёти Тоҷикистон
Сироҷиддин Муҳриддин бо роҳбари Дафтари барномаҳои САҲА дар Тоҷикистон мулоқот намуд
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
