Соли 2017 дар вилояти Суғд 63 иншооти варзишӣ ба истифода дода шуданд
ХУҶАНД, 04.01.2018. /АМИТ «Ховар»/. Соли 2017 дар доираи эълони Соли ҷавонон дар вилояти Суғд 63 иншооти гуногуни варзишӣ, аз ҷумла, 9 толори варзишӣ, 51 майдончаи варзишӣ, 1 маҷмааи варзишӣ ва 2 ҳавзи шиноварӣ ба истифода дода шуданд.
Бояд гуфт, ки бештари ин иншоот асосан дар шаҳру ноҳияҳои Айнӣ, Ашт, Бобоҷон Ғафуров, Спитамен, Гулистон, Истаравшан, Исфара ва Хуҷанд ифтитоҳ гардиданд, ки аз шумораи умумӣ 13-тои он дар маркази вилоят ҷойгиранд.
Тавре ба АМИТ «Ховар» аз Раёсати кор бо ҷавонон ва варзиши вилояти Суғд иттилоъ доданд, барои сохтмон ва бунёди иншооти зерин аз ҳисоби буҷети маҳаллӣ 9844,8 ҳазор сомонӣ ва ҳамчунин соҳибкорони маҳаллӣ 8256,5 ҳазор сомонӣ маблағ равона гардидааст.
Ҳамзамон давоми соли сипаригардида варзишгарони вилоят дар 44 мусобиқаҳои сатҳи ҷаҳонӣ ширкат варзида, 178 медал, аз ҷумла, 31 медали тилло, 45 медали нуқра ва 102 медали биринҷӣ ба даст оварда, дар 99 мусобиқаи гуногуни ҷумҳуриявӣ соҳиби 680 медали тилло, 598 медали нуқра ва 946 медали биринҷӣ гардиданд.
Дар ин сол ҷиҳати тарғиби тарзи ҳаёти солим ва дарёфти варзишгарони соҳибкасб дар миқёси шаҳру ноҳияҳои вилоят 985 мусобиқаву чорабиниҳои мухталифи варзишӣ аз рӯи намудҳои гуногун гузаронида шуданд.
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
