ТАҚВИМИ АМИТ «ХОВАР»: Имрӯз 1 январ, душанбе, 1-умин рӯзи соли 2018 аст. То охири сол 364 рӯзи дигар монд

Тақвими моро дар ин гӯша

шореҳ Шукӯҳи ДАЛЕР варақ мезанад:

1 январи соли 2009 Президенти Ҷумҳурии Тоҷикистон Эмомалӣ Раҳмон бо Президенти вақти Ҷумҳурии Исломии Афғонистон Ҳомид Карзай суҳбати телефонӣ анҷом доданд. Роҳбарони ду давлат дар ҷараёни суҳбат масъалаҳои дуҷонибаи ҳамкории байни Ҷумҳурии Тоҷикистон ва Ҷумҳурии Исломии Афғонистонро баррасӣ намуданд.

***

1 январи соли 2015 Пешвои миллат муҳтарам Эмомалӣ Раҳмон ба Раиси вақти Шӯрои Давлатӣ ва Шӯрои Вазирони Ҷумҳурии Куба Раул Кастро Рус ба муносибати таҷлили Иди миллии Ҷумҳурии Куба барқияи табрикӣ фиристоданд.

1 ЯНВАР ТАҶЛИЛ КАРДА МЕШАВАД:

Ҷашни пуршукӯҳ ва рангоранг — Соли нав дар бештари давлатҳои чаҳон (шаби 31 декабр ба  1 январ).

***

Рӯзи байналмилалии сулҳ (Рӯзи байналмилалии дуо баҳри сулҳ).

***

Дар Камерун – Рӯзи истиқлолият.

***

Дар Литва – Рӯзи парчам.

РӮЙДОДҲО:

1 январи соли 1927 дар Массачусетс аввалин маротиба дар ҷаҳон суғуртаи ҳатмии автомобилҳо ба роҳ монда шуд.

***

67 сол муқаддам, 1 январи соли 1950 Ҳизби халқии пешрафти Гаяна таъсис ёфт.

***

Дар ин рӯзи соли 1956 Судон аз Миср ва Британияи Кабир мустақилият ба даст овард.

***

1 январи соли 1948 Конститутсияи Ҷумҳурии Италия ба ҳукми амал даромад.

ИНЧУНИН ДАР ИН РӮЗ …

Соли 1785 дар Британияи Кабир аввалин шумораи қадимтарин рӯзномаи лондонӣ «The Daily Universal Register» (соли 1788 ба «The Times» тағйири ном кард) нашр шуд.