ТАҚВИМИ АМИТ «ХОВАР»: Имрӯз 15 январ, душанбе, 15-умин рӯзи соли 2018 аст

Тақвими моро дар ин гӯша

шореҳ Шукӯҳи ДАЛЕР варақ мезанад:

15 январи соли 2010 дар Маҷмааи давлатии «Кохи Борбад»-и пойтахт Президенти Ҷумҳурии Тоҷикистон Эмомалӣ Раҳмон бо соҳибкорон вохӯрӣ намуданд.

***

5 сол пеш, 15  январи соли 2013 дар маҷлиси васеи Ҳукумати Ҷумҳурии Тоҷикистон  Сарвари давлат Эмомалӣ Раҳмон дастур доданд, ки рушди чорводорию парандапарварӣ ва дигар бахшҳои кишоварзӣ низ таъмин карда шавад.

***

Дар ин рӯзи соли  1941 дар Вилояти Мухтори Кӯҳистони Бадахшон НБО «Хоруғ» ба истифода дода шуд.

15 ЯНВАР ТАҶЛИЛ КАРДА МЕШАВАД:

Дар Япония – Рӯзи калонсолон.

***

Рӯзи эътирофи байналмилалии Хорватия.

***

Дар Нигерия – Рӯзи қувваҳои мусаллаҳ ва Рӯзи хотирот.

РӮЙДОДҲО:

15 январи соли 2010 чемпиони Тоҷикистон оид ба футбол миёни дастаҳои лигаи Олӣ-клуби футболи «Вахш»-и Қӯрғонтеппа барои иштирок дар мусобиқоти XVIII байналмилалӣ оид ба футбол ва дарёфти «Ҷоми мусобиқаи Иттиҳоди давлатҳои ИДМ ва Балтика ба шаҳри Москваи Россия сафар кард.

***

15 январи соли 1974 дар Юнон Конститутсияи соли 1952 барқарор карда шуд.

***

Дар ин рӯзи соли 2001 «Википедия»- яъне Донишномаи озод ташкил шудааст.

***

15 январи соли 2011 раъйпурсӣ ба хотири истиқлолияти Судони Ҷанубӣ  ба охир расид (9 январ оғоз гардид).

ИНЧУНИН ДАР ИН РӮЗ …

 Соли 1826 дар Париж аввалин шумораи рӯзномаи «LeFigaro» нашр шуд.

***

Соли 1892 омӯзгори канадагӣ-америкоӣ Ҷеймс Нейсмит аввалин маротиба қоидаҳои бозии баскетболро дар рӯзномаи мактабӣ ба нашр расонид.