«Тоҷикстандарт» ба корҳои фаҳмондадиҳӣ миёни соҳибкорон таҳким мебахшад
ДУШАНБЕ, 31.01.2018 /АМИТ «Ховар»/.Дар доираи татбиқи ҳадафҳои стратегии мамлакат Агентии «Тоҷикстандарт» бо мақсади дастгирии истеҳсолоти ватанӣ ва дар ин замина мусоидат ба истеҳсоли маҳсулоти рақобатпазир ва воридивазкунандаи ватанӣ миёни соҳибкорони мамлакат корҳои фаҳмондадиҳиро тақвият мебахшад.
Тавре имрӯз зимни нишасти хабарӣ директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон Қудрат Давлатзода иброз дошт, соли 2017 дар шаҳру ноҳияҳои мамлакат 15 машварати омӯзишӣ ва мулоқот бо зиёда аз 450 нафар соҳибкорону истеҳсолкунандагони маҳсулоти гӯштӣ, ширӣ, қаннодӣ, нӯшокиҳои ташнашикану обҳои ошомиданӣ, инчунин маҳсулоти сохтмонӣ, дӯзандагӣ ва мебелӣ гузаронида шуд. Дар машвартҳо мазмуну мундариҷаи регламентҳои техникӣ ва дигар ҳуҷҷатҳои меъёрӣ-техникии соҳа мавриди омӯзиш ва баррасӣ қарор дода шуданд.
Ҳамзамон дар ин давра субъектҳои хоҷагидори ҷумҳурӣ бо 3110 саҳифа ҳуҷҷатҳои меъёрӣ таъмин карда шуда, 61 шарти техникии Ҷумҳурии Тоҷикистон ҳамчун ҳуҷҷати меъёрӣ ва 566 стандарти байнидавлатӣ расман ба қайд гирифта шуд, ки аз онҳо 264 ададаш бо стандартҳои байналмилалӣ ҳамоҳанг карда шудаанд. Инчунин регламентҳои техникӣ дар шакли китобча чоп шуда, ба субъектҳои хоҷагидор дастрас карда шуданд.
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
