Юсуф Раҳмон: «Ҳифзи ҳуқуқи истеъмолкунандагон ва пешгирии воридоти маҳсулоти пастсифат вазифаи муҳими мақомоти прокуратура аст»
ДУШАНБЕ, 25.01.2018. /АМИТ «Ховар»/. Ҳифзи ҳуқуқи истеъмолкунандагон ва пешгирии воридоти маҳсулоти пастсифат вазифаи муҳими мақомоти назоратӣ, аз ҷумла, прокуратура маҳсуб мешавад. Ин нуктаро имрӯз зимни нишасти матбуотӣ Прокурори генералии Ҷумҳурии Тоҷикистон Юсуф Раҳмон бо хабарнигорон иброз дошт.
Ба иттилои номбурда, дар ин самт ҳолатҳои зиёди ворид намудан ва ба фурӯш баровардани маҳсулоти хӯроквории ғайристандартӣ, аз ҷумла, маҳсулоти гӯштӣ, қаннодӣ ва бозичаҳои кӯдакона ошкор ва пешгирӣ карда шуд. Зикр шуд, ки соли 2017 дар ин самт 212 санади эътиноӣ бароварда шуда, 1532 нафар ба ҷавобгарии интизомӣ, маъмурӣ ва моддӣ кашида шудаанд. Ҳамзамон нисбат ба ин ҳолатҳо 180 парвандаи ҷиноятӣ оғоз шуда, 146 ҳазор сомонӣ зарар барқарор карда шудааст.
Дар робита ба ин Хадамоти назорати давлатии фаъолияти санитарию эпидемиологӣ хабар медиҳад, ки давоми соли 2017 дар ҷумҳурӣ дар маҷмӯъ 388015 кг маҳсулоти гӯштӣ, 6107 кг маҳсулоти қаннодӣ ва 27308 дона бозичаҳои кӯдаконаи ба талаботи санитарӣ ҷавобгӯ набуда аз муомилот гирифта шуданд.
Бояд зикр намуд, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба мақомоти дахлдор супориш доданд, ки барои мукаммал гардонидани низоми идораи давлатии санитариву фитосанитарӣ, стандартизатсия, сертификатсия ва назорати байторӣ тағйироти сохтории зарурӣ амалӣ намуда, ҷиҳати пешгирии воридоти молу маҳсулоти пастсифат ва ғайристандартӣ ва ҳимояи ҳуқуқи истеъмолкунандагон тадбирҳои таъхирнопазир андешанд.
Бо ин мақсад аз ҳисоби намояндагони вазорату идораҳои дахлдор, аз ҷумла, мақомоти прокуратура гурӯҳҳои назоратӣ ташкил гардидаанд, ки ҳамарӯза ҳолат ва сифати маҳсулоти истеъмолиро дар мағозаву бозорҳо мавриди санҷиш қарор медиҳанд.
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
