АМИТ «Ховар» барои журналистону ровиён озмун эълон мекунад

ДУШАНБЕ, 12.02.2018 /АМИТ «Ховар»/. Агентии миллии иттилоотии Тоҷикистон «Ховар»-и назди Ҳукумати Ҷумҳурии Тоҷикистон бо мақсади дарёфти журналистони касбӣ барои сомона  ва ровиёну барандаҳои боистеъдод барои радио озмун эълон мекунад.

Дар озмун ҷавонписарону духтарони аз 23 то 40-сола, ки дорои маълумоти олӣ мебошанд, иштирок карда метавонанд.

Озмун ба тариқи суҳбат гузаронида мешавад.

Барои иштирок дар озмун доштани маълумоти олии касбӣ ва маҳорати кор бо технологияҳои муосири иттилоотӣ, донистани забони давлатӣ (барои хабарнигорони бахшҳои русӣ, англисӣ, арабӣ ва форсӣ)  ҳатмист.  Ба донандагони забонҳои хориҷӣ афзалият  дода мешавад.

Довталабон бояд ба Комиссияи қабул ҳуҷҷатҳои зерин: ариза, варақаи шахсии баҳисобгирии кадрҳо, шарҳи ҳол; 3 дона cурати 3х4; нусхаи  ҳуҷҷати тасдиқкунандаи таҳсилот; нусхаи дафтарчаи меҳнатӣ; маълумотнома оид ба вазъи саломатӣ (шакли 086); нусхаи шиноснома; нусхаи гувоҳнома аз мақомоти андоз  (РМА); маълумот аз ВКД барои изи ангуштонро пешниҳод намоянд.

Хоҳишмандон метавонанд ҳуҷҷатҳояшонро бо суроғаи шаҳри Душанбе, хиёбони Рӯдакӣ 40 ба  Агентии миллии иттилоотии Тоҷикистон «Ховар» ирсол намоянд.

Телефон барои маълумот: 221-33-13

Муҳлати қабули ҳуҷҷатҳо  аз  1 март то 15 апрели соли 2018.