«Амонатбонк» ба беш аз 13 ҳазор нафар муштариён маблағҳои қарзӣ пешниҳод намудааст
ДУШАНБЕ, 02.02.2018 /АМИТ «Ховар»/. Соли 2017 «Амонатбонк» дар маҷмӯъ аз ҳисоби дохилию хориҷӣ ба зиёда аз 13,4 ҳазор нафар муштариён ба маблағи умумии 196 млн. сомонӣ маблағҳои қарзӣ пешниҳод намудааст. Ин нуктаро Раиси раёсати Бонки давлатии амонатгузории Ҷумҳурии Тоҷикистон «Амонатбонк» Руҳулло Ҳакимзода имрӯз зимни нишасти матбуотӣ баён намуд.
Мавсуф ҳамчунин зикр намуд, ки тибқи Қарори Ҳукумати Ҷумҳурии Тоҷикистон аз ҳисоби маблағҳои Вазорати молияи ҷумҳурӣ дар соли ҳисоботӣ ба омӯзгорони ҷавон 937 ҳазор сомонӣ ва муҳоҷирони ихтиёрию экологӣ 3,2 млн. сомонӣ қарзҳои дарозмуддати имтиёзнок пешниҳод шудаанд.
Дар доираи ҳамкории дуҷониба бо Муассисаи давлатии «Фонди дастгирии соҳибкории назди Ҳукумати Ҷумҳурии Тоҷикистон» дар маҷмӯъ то имрӯз ба 150 нафар соҳибкорон дар ҳаҷми 178,9 млн. сомонӣ маблағгузорӣ карда шудааст.
Ба зикри Р. Ҳакимзода, «Амонатбонк» бо мақсади дастгирии иҷтимоии мардуми ҷумҳурӣ, хусусан кормандони соҳаи буҷетӣ, қарзҳои изофабардоштӣ (овердрафти)-ро тавассути кортҳои пардохтии бонкӣ ба роҳ монда истодааст, ки истифодаи онҳо хеле мувофиқу дастрас мебошад.
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
Имрӯз дар водиҳои Тоҷикистон ҳаво то 38 дараҷа гарм мешавад
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
