«БРАВО». Сирки Москва бо барномаи ҳунарии нав ба Тоҷикистон меояд
ДУШАНБЕ, 28.02.2018. /АМИТ «Ховар»/. Ба таваҷҷуҳи дӯстдорони санъати ҳунарии сирк расонида мешавад, ки аз 4 март то 1 апрели соли равон дар бинои Сирки давлатии Тоҷикистон барномаи сирки Москва бо номи «БРАВО» баргузор мегардад.
«Ҳунарпешагони москвагӣ ба мухлисони ин намуди санъат барномаҳои ҷолибу рангинро бо иштироки ҳайвонҳои гуногун, мисли паланг, тимсоҳ, морҳои ҳархела, саг, буз ва дигар намоишҳо манзур менамоянд»,-зикр намуд зимни суҳбат масъули барномаи ҳунарии Сирки Москва Виталий Ковалёв.
Ба иттилои Виталий Ковалёв, ҳунарнамоии дорбозҳо, гимнастҳо, чашмбандон, масхарабозон ва кордбозҳо низ ба ин барнома дохил мешавад.
Бояд гуфт, ки дар маҷмӯъ дар доираи намоиши мазкур 26 нафар ҳунармандони москвагӣ ба шаҳри Душанбе меоянд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
