Дар Бонки миллӣ имкониятҳои рушд ва низоми молиявӣ-бонкии Тоҷикистонро баррасӣ карданд
ДУШАНБЕ, 28.02.2018 /АМИТ «Ховар»/. Дар Бонки миллии Тоҷикистон таҳти унвони «Идоракунии корпоративӣ дар низоми молиявӣ-бонкии Тоҷикистон: муаммоҳо ва имкониятҳои рушд» конфронси амалӣ гузаронида шуд. Дар ин бора аз Бонки миллӣ хабар доданд.
Конфронси мазкур бо ташаббуси Бонки миллии Тоҷикистон дар ҳамбастагӣ бо лоиҳаи Корпоратсияи байналмилалии молиявӣ (IFC) баргузор гардида, дар он намояндагони ширкатҳои «Имкон консалтинг» ва «Legal Consulting Group», раисони раёсат ва роҳбарони Шӯрои нозирони бонкҳои мамлакат иштирок намуданд.
Дар ҷамъомад раиси Бонки миллии Тоҷикистон Ҷамшед Нурмаҳмадзода изҳор дошт, ки ҳадафи конфронси амалӣ-баланд бардоштани фаъолияти самараноки Шӯрои нозирон дар бонкҳо ва ҳамкории зичи Шӯрои нозирон ва Раёсати бонкҳо дар фаъолияти ташкилотҳо буда, баргузории чорабинии мазкур метавонад дар идораи самарабахши корпоративии низоми бонкии ҷумҳурӣ мусоидат намояд.
Инчунин зикр карда шуд, ки Бонки миллии Тоҷикистон дар самти тақвияти институтсионалии қоидаву меъёрҳои идоракунии корпоративӣ ва такмили санадҳои меъёриву ҳуқуқӣ бо ташкилотҳои байналмилалӣ ҳамкории зич ба роҳ мондааст. Дар ояндаи наздик ба қонунгузориҳои бонкӣ, аз ҷумла, дар бахши зиёд намудани уҳдадориҳо ва масъулияти тамоми мақомоти идоракунӣ, низоми назорати дохилӣ ва аудит тағйиру иловаҳо ворид карда мешаванд.
Дар конфронси амалӣ дар доираи барномаи корӣ мутахассисони Корпоратсияи байналмилалии молиявӣ, ширкати «Имкон консалтинг» ва ширкати «Legal Consulting Group» барои иштирокдорон вобаста ба нақши директорони мустақил дар фаъолияти самараноки Шӯрои нозирон, аҳамияти Кумитаи Шӯрои нозирон, вазифаю мавқеи котиби корпоративӣ ва имконияти рушди вазифаи зерин дар ташкилотҳои қарзӣ маърӯза намуданд.
Конфронси мазкур дар доираи ҳамкорӣ бо Корпоратсияи байналмилалии молиявии Гурӯҳи Бонки ҷаҳонӣ вобаста ба татбиқи Барномаи идоракунии корпоративӣ дар Осиёи Марказӣ бо дастгирии Ҳукумати Швейтсария (SECO) ва Британия Кабир (DFID) баргузор гардид.
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«ДӮСТ ОЯД, ГАРМ ДАР ОҒӮШ ГИР». Ҷавонони фаъоли Тоҷикистон бо корхонаҳои саноатӣ ва мавзеъҳои фарҳангии ноҳияи Рӯдакӣ шинос гардиданд
«ТОҶИКИСТОН-2024». Дар Намоишгоҳи байналмилалии универсалӣ 65 ширкату корхонаи ватанию хориҷӣ маҳсулоташонро муаррифӣ менамоянд
Раёсати ҳифзи муҳити зист дар минтақаи Кӯлоб соҳиби бинои замонавӣ мегардад
МАРОТИБАИ АВВАЛ. Дар Тоҷикистон намоиши асарҳои бо мех офаридаи рассоми олмонӣ баргузор мешавад
Дар семоҳаи якуми соли 2024 дар ноҳияи Фирдавсӣ 683 шаҳрванд ба сафи Ҳизби Халқии Демократии Тоҷикистон пайвастанд
