Дар Душанбе ҷаласаи Комиссияи байниҳукуматӣ оид ба ҳамкории иқтисодӣ байни Тоҷикистон ва Қазоқистон баргузор гардид
ДУШАНБЕ, 12.02.2018/АМИТ «Ховар»/. Ҳаҷми мубодилаи мол байни Ҷумҳурии Тоҷикистон ва Ҷумҳурии Қазоқистон соли сипаригардида наздик ба 840 миллион долларро ташкил дод, ки дар қиёс нисбат ба соли 2016 163 миллион доллар зиёд аст. Ин матлаб имрӯз дар ҷаласаи 14-уми Комиссияи байниҳукуматӣ оид ба ҳамкории иқтисодӣ байни Ҷумҳурии Тоҷикистон ва Ҷумҳурии Қазоқистон, ки дар Душанбе доир гардид, иброз дошта шуд. Зикр шуд, ки аз ҳаҷми 838,9 миллион доллари табодули мол наздик ба 515 миллион доллар ба воридот ва 324,3 миллион доллар ба содирот рост меояд.
Дар ҷаласаи Комиссияи байниҳукуматӣ маҷмӯи масъалаҳои марбут ба тақвияти ҳамкории иқтисодию тиҷоратии Тоҷикистон ва Қазоқистон матраҳ гардид. Иштирокдорони ҷаласа, ки аз намояндагони вазорату идораҳои марбутаи ҳар ду давлат иборат буданд, масъалаҳои мубрами ҳамкории дуҷонибаро дар бахшҳои иқтисод, тиҷорат, сармоягузорӣ, фаъолияти бонкдорию молиявӣ, нақлиёт, авиатсияи гражданӣ, саноат, маориф ва илм, кишоварзӣ, муҳоҷират, обу энергетика, ҳифзи муҳити зист, тандурустӣ, фарҳанг, варзиш ва сайёҳӣ баррасӣ намуданд.
Комиссия ба тамоми мақомоти давлатӣ ва субъектҳои хоҷагидори тарафҳо тавсия дод, ки ҷиҳати тақвияти ҳамкории мутақобила ва фароҳам овардани фазои мусоид барои афзун гардонидани мубодилаи мол байни Тоҷикистон ва Қазоқистон тадбирҳои зарурӣ андешанд.
Ҳамзамон дар ҷаласа ҷонибҳо масъалаҳои марбут ба рушди ҳамкории мутақобилан судмандро дар бахши ҷалби сармоя, ташкили корхонаҳои муштарак, инчунин афзоиши иқтидори ҳамкории самаранок, татбиқи лоиҳаҳои муштараки дорои хусусияти иқтисодӣ ва сармоягузорӣ матраҳ намуданд.
Интизор меравад, ки дар анҷоми ҷаласаи 14-уми Комиссияи байниҳукуматӣ оид ба ҳамкории иқтисодӣ байни Ҷумҳурии Тоҷикистон ва Ҷумҳурии Қазоқистон миёни корхонаю ширкатҳои ҳар ду давлат санадҳои ҳамкорӣ ба имзо расонида шаванд.
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
