Дар Фарғона нишасти муштараки Комиссияи байниҳукуматии Тоҷикистон ва Ӯзбекистон оид ба делимитатсия ва демаркатсияи сарҳади давлатӣ баргузор гардид
ДУШАНБЕ, 26.02.2018 /АМИТ «Ховар»/. 24 феврали соли 2018 дар шаҳри Фарғонаи Ҷумҳурии Ӯзбекистон бо роҳбарии Сарвазири Ҷумҳурии Тоҷикистон Қоҳир Расулзода ва Сарвазири Ҷумҳурии Ӯзбекистон Абдулло Орипов нишасти навбатии Комиссияи байниҳукуматии Тоҷикистон ва Ӯзбекистон оид ба делимитатсия ва демаркатсияи сарҳади давлатӣ баргузор гардид.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, дар чорабинӣ аъзои ҳукуматҳо, роҳбарони вазоратҳо, сохторҳо ва идораҳои соҳаи иқтисодиёти ду давлат иштирок намуданд.
Дар ҷараёни гуфтушунидҳои судманд, ки дар фазои дӯстона ва созанда баргузор гардиданд, роҳбарони ҳайатҳои ҳар ду ҷониб сатҳи муносибатҳои Тоҷикистон ва Ӯзбекистонро дар тамоми соҳаҳо баланд арзёбӣ намуданд.
Таъкид шуд, ки бо иродаи сиёсии Сарони ҳар ду мамлакат робитаҳо дар сатҳи олӣ пурсамар гардида, рафтуомади ҳайатҳо ба роҳ монда шуданд, нишастҳои Комиссияҳои байниҳукуматӣ баргузор гардиданд, намоишгоҳҳои маҳсулоти саноатии ҳар ду кишвар ташкил карда шуданд.
Дар чаҳорчӯби вохӯрӣ масъалаҳои марбут ба гузориши хатти марз дар минтақаҳои алоҳида баррасӣ гардиданд. Ҷонибҳо зикр намуданд, ки дар муддати кӯтоҳ ба комёбиҳои қобили таваҷҷуҳе дар раванди делимитатсияи сарҳади давлатӣ ноил гардидаанд.
Иштироккунандагон инчунин ба ҷанбаҳои ташкилӣ ва муҳтавои чорабиниҳои дарпешистодаи сатҳи олӣ, ҳамоҳангсозии бастаи ҳуҷҷатҳои дуҷонибае, ки дар ҷараёни сафари Президенти Ҷумҳурии Ӯзбекистон Ш. Мирзиёев ба Тоҷикистон ба нақша гирифта шудаанд, таваҷҷуҳ намуданд.
Бино ба таъкиди ҷонибҳо, баррасӣ ва ҳалли масъалаҳои рӯзномаи Комиссияи дуҷонибаи байниҳукуматӣ дар фазои созанда ҷараён гирифтанд.
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
Ҳамкории Тоҷикистон ва Австрия дар доираи созмонҳои байналмилалӣ баррасӣ шуд
Дар Женева ҳамкории Тоҷикистон ва Созмони ҷаҳонии тандурустӣ баррасӣ гардид
Вазири корҳои хориҷии Кипр Константинос Комбос дар пояи муҷассамаи Исмоили Сомонӣ гулчанбар гузошт
Ҳайати Тоҷикистон дар ҷаласаи Комиссияи СММ оид ба пешгирии ҷиноят ва адлияи ҷиноӣ дар Женева иштирок дорад
Дар Москва машваратҳои муовинони вазирони корҳои хориҷии Созмони Аҳдномаи амнияти дастҷамъӣ баргузор шуд
Дар қароргоҳи ЮНЕСКО бахшида ба Эъломияи Куруши Кабир конфронси илмӣ баргузор шуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Нидерланд доир гардид
Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
Фаррух Ҳамрализода бо сафири Подшоҳии Нидерланд дар Ҷумҳурии Тоҷикистон Нико Схермерс мулоқот намуд
Cафири Тоҷикистон бо Президенти «Маркази тиҷоратии ҷаҳонӣ»-и иёлати Ютаҳи ИМА вохӯрӣ намуд
