Дар шаҳри Ҳисор рӯзҳои наздик Комбинати коркарди шир ба кор шурӯъ менамояд
ҲИСОР, 13.02.2018 /АМИТ «Ховар»/. Рӯзҳои наздик дар шаҳри Ҳисор Комбинати коркарди шир ба кор шурӯъ менамояд. Ин имкон медиҳад, ки сокинони пойтахти мамлакат бо шири хушсифат таъмин гарданд. Ин муждаро раиси шаҳри Ҳисор Шарифҷон Ҷумазода имрӯз зимни нишасти матбуотӣ ба доираи васеи хабарнигорон расонид.
Зикр шуд, ки соли сипаригардида аз «Мамнӯъгоҳи таърихию фарҳангии Ҳисор» беш аз 26 ҳазор нафар сайёҳони дохилию хориҷӣ боздид намуданд. Дар ин давра меҳмонон аз намояндагиҳои дипломатии давлатҳои хориҷию ташкилотҳои байналмилалии муқими Тоҷикистон, инчунин сокинони мамлакат ва хонандагону донишҷӯён аз Қалъаи бостонии Ҳисор боздид намуда, бо таърихи он шинос шуданд.
Ба иттилои Ш. Ҷумазода, соли сипаришуда заҳматкашони шаҳри Ҳисор ба комёбиҳои назаррас ноил гардиданд. Соли гузашта онҳо ду ҳазору панҷсаду шасту панҷ тонна пахта ҷамъ оварда, нақшаро 108 фоиз иҷро карданд. Тибқи нақша, масоҳати кишти пахта дар шаҳр тадриҷан зиёд мешавад.
«Сокинони шаҳри Ҳисор вазифадоранд, ки ҳар ваҷаб заминро чун гавҳараки чашм эҳтиёт кунанд ва аз он пурсамар истифода баранд. Зеро афзоиши босуръати аҳолӣ ва тағйирёбии иқлим моро водор менамояд, ки барои таъмини амнияти озуқаворӣ тадбирҳои амалӣ андешем»,-иброз дошт раиси шаҳри Ҳисор.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
