Дастаи «Истиқлол» бар дастаи «Панҷшер» ғалаба кард

ДУШАНБЕ, 15.02.2018 /АМИТ «Ховар»/. Имрӯз дар Варзишгоҳи марказии шаҳри Душанбе байни дастаҳои футболи «Панҷшер»-и Ҷалолиддини Балхӣ ва «Истиқлол»-и Душанбе бозии даври нимфиналӣ баргузор гардид.

Тавре аз Федератсияи футболи Тоҷикистон ба  хабарнигори  АМИТ «Ховар» иттилоъ доданд, бозӣ хеле ҷолиб сурат гирифта, бо ҳисоби  калони 5:1 ба нафъи  дастаи футболи  «Истиқлол»-и Душанбе  хотима ёфт. Акнун дар финали Ҷоми ФФТ дастаи  «Истиқлол»-и Душанбе  бо дастаи  «Регар-ТадАЗ»-и Турсунзода ҳунарнамоӣ мекунад.

Ёдовар мешавем, ки  дастаи футболи «Регар – ТадАЗ»-и Турсунзода қаблан бо мағлуб намудани дастаи КМВА «Помир»-и  Душанбе бо ҳисоби  4:2 ба роҳхати даври ниҳоии Ҷоми ФФТ соҳиб гардид.