ФУТБОЛ: дастаи «Хуҷанд» тамринҳои аввалини худро дар Туркманистон ба анҷом расонид

ДУШАНБЕ, 12.02.2018 /АМИТ «Ховар»/. Дастаи  футболи «Хуҷанд»-и шаҳри Хуҷанд тамринҳои аввалини худро дар варзишгоҳи «Спорт Туплими»-и  шаҳри Балканободи Туркманистон ба анҷом  расонид.

Тавре аз Федератсияи футболи Тоҷикистон ба  хабарнигори  АМИТ «Ховар» иттилоъ доданд, дастаи футболи «Хуҷанд»-и шаҳри Хуҷанд   13  феврал дар давраи марҳилаи интихобии Ҷоми КФО-2018 бо дастаи футболи  «Аҳал»-и   Туркманистон дидор анҷом медиҳад.

Ёдовар мешавем, ки  бозии ҷавобии ин дастаҳо дар Варзишгоҳи «20-солагии Истиқлолияти Тоҷикистон», воқеъ дар шаҳри Хуҷанд  20  феврал  баргузор мешавад.