Гулнора Ҳасанзода: «Дар Соли рушди сайёҳӣ ва ҳунарҳои мардумӣ фарогирии ҳисоботи оморӣ пурзӯр карда мешавад»
ДУШАНБЕ, 16.02.2018 /АМИТ «Ховар»/. Бахшида ба Соли рушди сайёҳӣ ва ҳунарҳои мардумӣ Агентии омори назди Президенти Ҷумҳурии Тоҷикистон вазифадор мегардад, ки фарогирии ҳисоботи омориро дар мавриди ба ҷумҳурӣ ворид гардидани сайёҳони хориҷӣ пурзӯр намояд. Дар ин бора имрӯз зимни нишасти матбуотии ин ниҳод директори Агентии омор Гулнора Ҳасанзода дар ҷавоб ба суоли мухбири АМИТ «Ховар» иброз дошт.
Гулнора Ҳасанзода иттилоъ дод, ки «дар Агентии омор вобаста ба ин самт Шӯрои методологии доимӣ фаъолият менамояд. Дар робита ба ин масъала Шӯрои мазкур дар якҷоягӣ бо Кумитаи рушди сайёҳии назди Ҳукумати Ҷумҳурии Тоҷикистон барои баҳисобгирии шумораи сайёҳон корҳоро шурӯъ намудаанд. Албатта, то ин вақт дар ин самт аз тарафи мо ҳисобот қабул карда мешуд, аммо то ҳол методологияи он мукаммал набуд».
Ба гуфтаи Гулнора Ҳасанзода, онҳо тасмим гирифтаанд, ки як низомномаи муайянеро барои ба ҳисоб гирифтани ҳунарҳои халқие, ки дар ин сол аз тарафи мардуми мо эҳё мегарданд, тартиб диҳанд. Он метавонад ин ҳунарҳоро ба таври куллӣ инъикос карда, ба маҷмӯи маҳсулоти дохилӣ ворид кунад.
Зимни нишаст таъкид карда шуд, ки соли сипаригардида тибқи маълумоти оморӣ, ба ҷумҳурӣ 431 ҳазор нафар шаҳрвандони хориҷӣ ба ҳайси сайёҳ дохил гардидаанд.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
