Имсол Раёсати Шӯрои байнидавлатии ИДМ оид ба бехатарии саноатиро Ҷумҳурии Тоҷикистон ба уҳда дорад
ДУШАНБЕ, 01.02.2018. /АМИТ «Ховар»/. 14 – 15 сентябри соли 2017 дар шаҳри Гулистони вилояти Суғд ҷаласаи 15-уми байнидавлатии Иттиҳоди Давлатҳои Мустақил оид ба бехатарии саноатӣ баргузор гардид. Ин нуктаро имрӯз, 1 феврал раиси Хадамоти мазкур Санъат Раҳим зимни нишасти матбуотӣ, ки дар маркази матбуоти ҷумҳуриявии АМИТ «Ховар» баргузор гардид, ба хабарнигорон иброз дошт.
Тавре мухбири АМИТ «Ховар» иттилоъ медиҳад, номбурда зикр намуд, ки дар ҷаласаи мазкур масъалаҳои марбут ба соҳаи бехатарии саноатӣ баррасӣ гардида, аз ҷониби аъзо такмили қонунгузории соҳаи бехатарии саноатии давлатҳои узви Шӯро пешниҳод гардид.
«Тӯли як сол Раёсати Шӯрои байнидавлатии ИДМ оид ба бехатарии саноатиро Ҷумҳурии Қирғизистон ба уҳда дошт. Дар ҷаласаи 15-ум бо қарори аъзои Шӯро Раёсати Шӯрои байнидавлатии ИДМ оид ба бехатарии саноатӣ ба уҳдаи Ҷумҳурии Тоҷикистон гузошта шуд»,-илова намуд Санъат Раҳим.
Ба гуфтаи мавсуф, соли сипаригардида аз ҷониби Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон шахсони масъули корхонаҳо барои риоя накардани қонунгузории амалкунандаи ҷумҳурӣ ва қоидаҳои бехатарии саноатӣ ба ҷавобгарии маъмурӣ кашида шуда, ба маблағи 580 ҳазору 600 сомонӣ ҷаримабандӣ шудаанд.
«ҶДММ ширкати байналмилалии истеҳсолии «Чжунгтай Моҳир Семент», ҶДММ «Тоҷчайна 2013», ҶДММ «Комбинати металлургии тоҷик», ҶДММ «Талко Ресурс», ҶСК «Ангишт» ва ҶДММ «Ширкати Тоҷикистону Хитой Дзин Хай» аз ҷумлаи корхонаҳои саноатие мебошанд, ки ба ҷавобгарии маъмурӣ кашида шудаанд»,- гуфт Сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Санъат Раҳим.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
