Маҳмадшариф Ҳақдод бо Георгий Вершина мулоқот намуд
ДУШАНБЕ, 22.02.2018 /АМИТ «Ховар»/. Дар Донишгоҳи миллии техникии Беларус (ДМТБ) 19 феврал вохӯрии Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Маҳмадшариф Ҳақдод бо муовини якуми ректори ДМТБ Георгий Вершина баргузор гардид.
Зимни мулоқот ҷонибҳо масъалаҳои ҳамкории илмию омӯзишӣ, таҳсили шаҳрвандони Тоҷикистон дар ДМТБ, инчунин афзоиши теъдоди донишҷӯёни тоҷикистонӣ дар донишгоҳи мазкурро мавриди баррасӣ қарор доданд.
Муовини якуми ректор Сафири Тоҷикистонро бо имкониятҳои илмию таълимӣ ва инфрасохтории ДМТБ ба таври муфассал шинос намуда, дар бораи пешрафти донишҷӯёни тоҷикистонӣ сухан кард.
Зикр гардид, ки солҳои охир ҳамкорӣ миёни ду давлат дар соҳаҳои илму маориф босуръат рушд дорад. Махсусан, агар солҳои 2010-2011 дар донишгоҳҳои Беларус ҳамагӣ 47 донишҷӯ аз Тоҷикистон таҳсил кардаанд, пас шумораи онҳо имрӯз ба зиёда аз 700 нафар расидааст, ки 183 нафарашон таҳсилкунандагони ДМТБ мебошанд.
Сипас, вохӯрии Сафир М.Ҳақдод бо донишҷӯёни ДМТБ- шаҳрвандони Тоҷикистон доир гардид, ки зимни он дипломати тоҷик оид ба муносибатҳои Ҷумҳурии Тоҷикистон бо Ҷумҳурии Беларус, бахусус роҷеъ ба ҳамкории дуҷониба дар соҳаҳои сиёсӣ, тиҷорату иқтисод ва гуманитарӣ ба донишҷӯён маълумоти муфассал дод. Инчунин М.Ҳақдод оид ба зарурати густариши ҳамкории дуҷониба дар соҳаи маориф ва илм таваҷҷуҳ зоҳир кард.
Донишҷӯён дар мулоқот саволҳои барояшон заруриро пурсон шуда, дар бораи шароити таҳсил ва буду бош дар Минск ибрози андеша карданд.
Бо мақсади тақвияти рушди содирот ба бозори ҷаҳонӣ бо хоҷагидорони ноҳияи Ҷайҳун вохӯрӣ доир шуд
ДАРАХТ БИНШОН! Дар Ишкошим 300 бех ниҳоли гуногуни мевадиҳанда шинонида шуд
Дар шаҳри Бӯстон бо сокинони маҳаллаи «Ғалаба» мулоқоти судманд баргузор гардид
Ба воҳидҳои Кумитаи ҳолатҳои фавқулода ва мудофиаи граждании Тоҷикистон техникаи нав супорида шуд
Имрӯз дар Тоҷикистон ҳавои абрнок пешгӯӣ мешавад
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
