Манфиати муоинаи тиббии ҷавонон пеш аз никоҳ ва баррасии он дар Донишгоҳи технологии Тоҷикистон
ДУШАНБЕ, 24.02.2018 /АМИТ «Ховар»/. Кумитаи кор бо занон ва оилаи назди Ҳукумати Ҷумҳурии Тоҷикистон дар Донишгоҳи технологии Тоҷикистон оид ба тарғиби тарзи ҳаёти солим миёни ҷавондухтарон ва ҷавонписарони синни никоҳӣ, инчунин манфиати муоинаи тиббии ҷавонон пеш аз никоҳ мулоқоти судманд баргузор намуд.
Тавре аз Кумитаи мазкур хабар доданд, дар вохӯрӣ ҳамчунин оид ба пешгирии хатари паҳншавӣ ва оқибатҳои ногувори мубталошавии шаҳрвандон ва махсусан ҷавонон ба бемории сироятии Вируси норасоии масунияти одам (ВНМО) ва ҳифзи муқаддасоти миллӣ ибрози ақида карда шуд.
Дар мулоқот намояндагони Маркази миллии солимии репродуктивии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иштирок доштанд.
Намояндаи ин Маркази миллӣ иброз дошт, ки имрӯз дар марказҳои солимии репродуктивӣ марказҳои машваратӣ барои ҷавонон фаъолият намуда, ҷиҳати пешгирии бемориҳои сироятӣ, аз ҷумла, ВНМО/БПНМ байни ҷавонон корҳои фаҳмондадиҳӣ роҳандозӣ менамоянд.
Дар назар аст, ки чунин вохӯриҳо миёни донишҷӯёни дигар донишгоҳҳои ҷумҳурӣ низ баргузор гарданд.
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
